元朗晚上有大量穿着白衫、綁紅繩的人士，在街頭手拿藤條及雨傘等見到黑衣人就打，更有人被打到頭破血流，雖然該區區議員指報警逾兩個半小時，但卻未見有警察到場維持秩序。大量白衣人晚上更衝入元朗西鐵站，見人就打，列車停開，令人髮指。
看到這種情況，杜汶澤亦禁不住在facebook鬧爆，指是繼「魚蛋革命」後又一次警黑合作：「其實2014年10月3號港共政權已經試過搵黑社會幫手，所以衍生出魚蛋革命，以武抗暴。今日元朗，警黑合作，並不是新聞。」而他更直言這是種卑劣的手法：「一個手段如此卑劣嘅政權，你打一代人，佢哋打唔死就會成長！你哋只有死路一條。」
杜汶澤就元朗冇差別打人事件，以短訊回覆蘋果，他說：「其實係香港古惑仔打示威者唔係第一次發生。係2014年10月3日係旺角已經試過有呢啲情況出現。今次你見到喺元朗，打咗咁多示威者，市民，一個差人都冇。我不嬲都唔相信，黑社會係自願參與呢啲活動，古惑仔出嚟行，冇著數嘢係唔會做。」他又補充：「咁香港政府每一日指摘示威者時候，話要擁護法治，我真係想問下元朗法治喺邊度？難道元朗獨立咗？唔受特區政府管轄？而我係唔知道？」
「牛雜妹」李美琪住元朗，但她今晚在屯門參加甄志強監製的舞台劇《難兄難弟》演出，剛完騷還要出席慶功宴，但她已知道元朗發生白衣人追打黑衣人，李美琪今晚接受《蘋果》訪問，她短訊回覆：「無論立場在哪一方，暴力絕對不能解決問題，千萬別傷及無辜。我也想呼籲住在元朗嘅人要注意安全。」李美琪都馬上聯絡家人，確認家人及食店員工暫時安全。
楊羚家住元朗區大型屋苑，問到元朗剛發生的暴力事件，楊羚說：「一早已經聽人哋講今日盡量唔好入元朗，我哋係今日朝頭早去過元朗買過餸，跟住就冇再出元朗喇，而家全家人都齊齊整整喺屋企，咁就安全。」問到會否擔心自己與子女出入安全時，她說：「我諗全香港嘅父母都好擔心，睇到新聞都好唔舒服。」
而葉德嫻就表示希望大家能保護自己：「各位市民要保護自己安全。大量白衣人已在元朗四處打人。切記不要硬碰。先保護好自己才能保衞香港。」
鄧達智是元朗原居民，家住屏山，今日亦有在金鐘一帶參加遊行，他表示今日剛在佛山舉行時裝騷回來，去到金鐘與友人用膳，之後順便去了灣仔，金鐘一帶遊行，之後便返回元朗住所，他表示：「我成晚喺屋企，黃昏已返左屋企，睇到新聞，真係覺得好恐怖咁樣打法，所有任何種類暴力都要譴責，personally我唔覺元朗治安係差，南亞裔打劫不嬲全香港都有，唔係特別元朗。」
一向只以黑色衫打扮的他自言「好大劑」：「我出街好大劑，除左黑色衫我無其他衫。」有指今次暴力事件係社團人士策劃，他表示：「特別事件出現，其實唔希望咁樣，絕對唔想見到任何暴力，各方面都有訴求，唔希望有任何暴力。」
另外，葉蘊儀及黃耀明亦有轉發消息，呼籲市民不要前往元朗。
另外，圈中有不少人見狀，亦在社交網站發聲：
Heidi＠Super Girls ：元朗（哭emoji），請小心，快回家。
Cheronna＠Super Girls ：唔好入元朗。
藍亦邦：元朗有黑社會打人！警察去晒邊？
903DJ麻利：元朗癲Ｘ咗唔好返去呀！喺站度打人呀！今晚去朋友度
林秀怡：住元朗嘅朋友仔小心回家喔，可以在外同朋友傾多陣偈返去㗎。
導演舒琪：香港警察同黑社會正式聯手！中共式武鬥正式揭幕！香港正式淪陷！
王喜：元朗是香港政府管轄範圍內嗎。
柳俊江：我現在出發，元朗幫手。全部人，一齊去。
王宗堯：係咪以後唔畀着黑衫出街？係咪已經返咗去封建年代？
------------------------------
【每周送10萬】
升級壹會員獨家尊享，立即參加10萬火急大抽獎!
*推廣生意的競賽牌照號碼：52302-9
-------------------------------
錶迷必讀！
89頁腕時計電子書 66款嚴選年度新錶
https://hk.adai.ly/e/v7jEA0MC1X
|
鍾意就快D Share啦！
|
|
|