演員何嘉麗1989年參演黃日華和溫兆倫等主演的無綫劇《義不容情》，去年底深宵重播再掀熱潮，她演蘇杏璇收養的三女陳少玲，來自破碎家庭，原來現實中她也是被遺棄的子女。「其實我爸爸媽媽係同居，佢哋時常嘈交，一係唔傾偈，一傾就大打出手，我妹妹讀中三就俾爸爸趕出門口，媽媽帶住細佬喺我讀中四時搬咗出去住，惟獨唔帶我走，係因為我個樣似爸爸，所以見到我就唔鍾意。我爸爸性格比較暴躁，都唔同我傾偈，到我讀完書，佢話責任完咗，感覺上我都好似被遺棄。」
何嘉麗憶述當日是第五個試鏡，向監製韋家輝講完自己的故事後，韋家輝揀了她。《義不容情》個個好戲，一班演員合作得十分開心，除了何嘉麗。「個個演員都好好，惟獨我因為屋企唔開心，所以我好少同佢哋一齊食飯，其實我唔知點同佢哋傾偈，佢哋太好人，我未試過喺咁好人嘅家庭裏邊。」
相關新聞：【蘋聞重溫】兩個黎明紅遍東南亞
越忙越感孤單
何嘉麗1989年返藝人之家，指宗教令她改變。「其實嗰時公司畀好多機會我，訓練班同學都好羨慕，但我係唔開心，好孤單，忙到有時病喺屋企係冇人理。」何嘉麗忍不住落淚：「喺嗰個階段，我係迷失嘅……」何嘉麗說妹妹被父親趕走後到了澳門工作，多年後忽然回家與她生活。「我妹妹返嚟時已經變咗鍾意食煙、講粗口，晚晚打麻雀，我直頭唔識點去愛佢，當我同妹妹鬧交要趕佢走，我開始反思我自己，所以我同妹妹道歉。」某年母親節，何嘉麗更主動送花和卡給媽媽，甚至攬住媽媽說：「媽媽，我真係好愛你。」就這樣，一家人關係逐漸和好。
|
鍾意就快D Share啦！
|
|
|