由上個月開始，反送中遊行示威遍地開花，日前有網民不滿無綫新聞報道偏頗，發起「反紅媒」遊行至無綫電視城。不過，示威活動仍未舉行，網民提出「圍電視城不如圍TVB商場Show」，無綫昨日有兩個為DSE考生打氣的活動取消，似是要避開網民圍堵。原本參與其中一個活動的馬國明表示可惜：「都有啲失望，因為原意為考生打氣。」
相關新聞：寶礦力傳抽起TVB廣告
今日是中學文憑試（DSE）放榜的大日子，昨日觀塘apm及屯門V city商場原定分別舉行為考生打氣活動。可是，有網民日前在社交網中，以「圍電視城不如圍TVB商場Show」為題，呼籲網民出席從而打擊無綫的活動收益。
林秀怡尊重安排
網民在連登討論區中，呼籲大家昨晚8時出席V city的放榜派對狙擊無綫，該活動出席嘉賓有馬國明、江嘉敏及林秀怡等，有網民留言：「cctvb藝員參與的商場騷，逢開必到」，雖然有網民指：「V city嗰個真係商場活動，同TVB無關的。」不過，V city方面昨午發出通告：「因應場地限制及顧及公眾安全，原定今晚於V city舉行的DSE放榜派對將會取消。不便之處，敬請原諒。」
相關新聞：【蘋聞重溫】林泳淘採訪被鬧走
對於活動被迫取消，馬國明昨回覆傳媒時說：「都有啲失望，因為佢原意都係幫DSE啲考生打氣，但冇計，我哋都尊重大會，如大會覺得現場安全有問題，驚有人受傷，以安全為由取消都尊重大會決定，雖然唔可以喺現場同啲同學打氣，不過都希望大家會有個好成績。」有份出席的林秀怡也說：「唔會話失望，原意都係想同DSE朋友仔打氣，希望佢哋開開心心度過啦，但我都尊重安排。」
李寶安拒絕回應
其實，無綫原定昨晚8時也在觀塘apm舉行DSE放榜活動，惟前日下午已宣佈取消，表演嘉賓如陳柏宇、關楚耀、麥明詩、馮盈盈、ToNick、王灝兒（JW）、Super Girls等收到通知，網民認為效果好過杯葛廣告商，因為在連登開post三小時後，無綫即主動取消活動。ToNick主音恒仔前晚以短訊回覆《蘋果》時表示：「唔太清楚，等我了解吓先。」陳柏宇也回覆說：「可以陪下個女。」而麥明詩回覆傳媒：「唔清楚乜原因，我會繼續透過社交媒體為考生打氣！」JW則表示工作交由公司安排，沒有問原因，不過想繼續為學生們打氣：「Good luck to all students！希望你哋可以入到自己喜愛嘅學校！呢個係人生新嘅一頁，盡情學習同享受！」關楚耀亦說：「係呀！今日收到取消通知，但冇問乜嘢原因呀！」
對於昨日一連兩個活動取消，《蘋果》向無綫行政總裁李寶安查詢，是否因擔心被圍堵而取消，李寶安透過短訊回覆：「我不會為個別活動回應，sorry！」曾是無綫藝人及港姐冠軍的楊思琦和向海嵐昨出席活動時均表示未有留意，兩人異口同聲表示：「相信公關有佢哋嘅處理方法。」
採訪：唐琛悠、魯吉、嵐山
【網民熱話】直接打擊收入
「圍電視城不如圍TVB商場Show」在網上引起頗大迴響，網民反應不一，有支持行動的網民就大讚可以直接打擊無綫收入，不過反對的則認為，商場就最無辜。
支持
毋詺：Cut show直接打擊收入，請繼續，good job。
陳x文：希望新鴻基商場唔好再同TVB合作，搞到big big channel嘅活動展銷冇生意，要陳國強同紅色資本虧蝕。
Jacxie Lau：商場騷開唔成即係TVB藝人冇錢賺即係無綫冇得抽佣啦， 好過 圍電視城多多聲！
PaXl Xip：說真的千千萬萬的普通市民佢都唔會聽入耳，商家佬出聲佢自然就要畀反應，大家目標要清晰，無謂吃力不討好，自我消耗。
反對
Dong HX：V city嗰個真係商場活動，同TVB無關的。
香港里數毒男小智：我2010年第一次考藝員訓練班之前已有呢個活動，今年冇咗覺得有少少可惜，利申2008年嗰次去過。
MXXy Kwong：難得黑白藍同黃兩道人馬都想睇show，仲乜取消呀？
King YXXn：等我仲為咗馬國明放假一天。
|
鍾意就快D Share啦！
|
|
|