掃呢頁CODE去手機

2019年7月29日 星期一

數防暴隊挑釁市民情緒何韻詩鬧警察無性 __,何韻詩,

何韻詩前日在元朗與群眾一同抗爭,她回家後即報平安,並怒斥警黑合作,如同「軍政府」。互聯網圖片
何韻詩前日在元朗與群眾一同抗爭,她回家後即報平安,並怒斥警黑合作,如同「軍政府」。互聯網圖片民間前日發起「光復元朗」,警民在元朗街頭再爆發衝突,警方更 ...


民間前日發起「光復元朗」,警民在元朗街頭再爆發衝突,警方更突出動防暴隊驅散群眾,多次施放催淚彈、橡膠子彈及海綿彈,晚上警方衝入西鐵站追打市民,地上遺下市民大量血迹。何韻詩前日到元朗舉行「流動簽書會」,她回家後在社交網報平安,並撰長文斥責防暴隊挑釁市民情緒,光天化日下在人群施放催淚彈;被迫到西邊圍時,防暴隊更不斷在沒有警告下釋放胡椒彈,阿詩直斥:「真係無性㗎。」

相關新聞:汪明荃關注速龍追打市民

大批疑似黑社會的白衣人上周日血洗元朗,民間前日發起「光復元朗」,雖然不獲警方發不反對通知書,但市民紛紛轉為到元朗行街買老婆餅,警方依然暴力清場,衝入元朗西鐵站追打市民等。歌手何韻詩前日就在元朗舉行「流動簽書會」,親身體會元朗街上爆發的警民衝突,她回家後在fb撰寫長文,阿詩首先寫到:「今日元朗遊行無理地不獲警方不反對通知書,冇所謂,大家照去行街買老婆餅簽名影相,元朗大街擠滿人,本來都相安無事。鄉黑同白衣人可能會攻擊一早預咗,諗都無諗過製造混亂又再次係香港警察,真係蠢到一個不能理解嘅點。」



要戴豬嘴上陣

阿詩斥責防暴隊:「防暴5點已經由後排逼埋嚟,擺明挑釁市民情緒。喺完全冇衝擊下,日光日白一街都係人,竟然往人群施放催淚彈。當中有老有嫩,仲要喺民居、護老院隔籬放,市民惟有喺一片混亂下逃離。」阿詩退至西邊圍後,警察防線突出動防暴隊,不斷在沒有警告下釋放催淚彈、胡椒彈,引致多人受傷,當中包括社工及記者,她指出:「後來仲俾人發現從高空發射海綿彈。」

每次都勇於上街的阿詩,坦言自己幾乎頂唔到,怒轟警察無人性:「我由平時只戴條濕毛巾,今日都要眼罩豬嘴上陣先頂得住,班警察真係無性㗎。其實警察有嚴格指引,乜嘢情況下先可以使用催淚彈,民居範圍內當然係大忌,但似乎自從上環一擊,警察連呢條底線都抹走埋。」

阿詩又指警察以下犯上譴責張建宗,公開表示自己可以不服從上司的指令,已經涉嫌犯了《警察通例》,質問「香港軍政府係咪已經正式成立?」她寫道:「可以話香港已成為police state,警隊嘅威信已經由零去到負數,你哋想市民以後再相信你哋都好難。今日警隊嘅表現,正正就係表現出佢哋『靠惡就大晒』嘅信念,加上警黑合作無間,香港軍政府係咪已經正式成立?」阿詩又指:「呢個局面,除咗香港政府(或背後嘅北京),冇人可以拆解。」

相關新聞:鄭文雅指港人聰明會妥協



警方前日突出動防暴隊,在元朗街頭施放多枚催淚彈及橡膠子彈,多人受傷。資料圖片 警方前日突出動防暴隊,在元朗街頭施放多枚催淚彈及橡膠子彈,多人受傷。資料圖片
阿詩怒斥催淚彈射中民居簷篷。資料圖片

阿詩怒斥催淚彈射中民居簷篷。資料圖片
何韻詩同時貼出海綿彈頭,斥責有關方面發射海綿彈。 互聯網圖片

何韻詩同時貼出海綿彈頭,斥責有關方面發射海綿彈。 互聯網圖片
邵仲衡(小圖)譴責警方使用「加料警棍」對付群眾。資料圖片

邵仲衡(小圖)譴責警方使用「加料警棍」對付群眾。資料圖片

譴責警棍加料

速龍小隊前晚突然衝入元朗西鐵站,以警棍狂毆群眾,其中更有加裝金屬環的高殺傷力「改裝警棍」,邵仲衡昨日在fb譴責:「香港市民夾份買喉箍戒過你打市民……」邵仲衡接受《蘋果》訪問時,繼續力斥事件,指警方涉嫌濫權:「天理不容!」前日支持光復元朗的袁彌明也指摘說:「要調查係咪警察自行加,係嘅話佢哋係犯法。」

在fb坐擁12萬追隨者的YouTuber伍公子,前日也有去元朗,更近距離經歷與警方對峙,他前晚在fb貼文報平安,並說:「我今日去咗元朗,仲睇住粒橡膠子彈喺我腳前粉碎。」他又指接近8時上到西鐵,全車都是同路人,聽到人說:「香港人加油,聽日繼續抗爭。」感動到眼濕濕。

採訪:陳杰




鍾意就快D Share啦!