2019年7月30日 星期二

英超Fever:普巴離隊曼聯未驚過 兩大頂級悍將等入魔 __,曼聯,

保羅普巴扭計離隊或投皇馬,曼聯已定好2大人選,去頂替呢位陣中王牌。據西班牙傳媒《Sport》報道,紅魔鬼定出一老一少人選,分別係巴塞隆拿中場拿傑迪錫以 ...




保羅普巴扭計離隊或投皇馬,曼聯已定好2大人選,去頂替呢位陣中王牌。據西班牙傳媒《Sport》報道,紅魔鬼定出一老一少人選,分別係巴塞隆拿中場拿傑迪錫以及拉素塞爾維亞中場米連高域沙域。巴塞方面已表明願意放走該名克羅地亞好波之人,索價約為4500萬鎊,呢個價錢連普巴身價三分一都冇,認真抵玩。

拿傑迪錫於14年由西維爾轉會巴塞之後,一直係球隊中場正選,佢多年來表現非常穩定,協助球會取得4屆西甲、1屆歐聯同1次世界冠軍球會盃冠軍,而於上年夏天則帶領克羅地亞取得世界盃亞軍,無論卡士、名氣、實力、經驗,都絕不下於普巴。拿傑迪錫唯一缺點係已經31歲,但佢足球智慧勁高,踢法好聰明,相信轉戰英超一樣有貢獻。

另一方面,意大利傳媒《Radiosei》則表示紅魔鬼幾已斟掂米連高域沙域。呢名24歲硬淨中場,被封為塞爾維亞普巴,甚至被傳媒攞佢嚟周施丹、耶耶托尼相提並論。佢踢法全面、活動範圍極大,於中場能攻擅守,除入楔時間準、門前把握力強之外,更因為身高手長又大隻,打防中時能展現強大攔截力。據報呢名全能中場身價達8100萬鎊,曼聯已同佢傾好個人條件,年薪達540萬鎊。早前拉素領隊施蒙尼恩沙基亦承認,若球隊收到天價報價,好難留得住米連高域沙域。

立即參加「賞您睇」:http://bit.ly/2JWKULh 

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!