30年前六月四日，寫下近代中國令人痛心一頁，香港藝人發起《民主歌聲獻中華》聲援學生，出席藝人多不勝數；三十年後在同一個地方，同樣一班藝人，卻出席昨日的撐警集會。譚詠麟昨日在集會中，講到不想談政治，30年前曾於阿倫同台的黃耀明，昨晚在IG發文開導，明哥指譚詠麟口中的「不想談政治」是自欺欺人。
而今早凌晨，何韻詩亦於IG上撰寫長文，公開批評「同行」：「老實講，我其實一直都對所謂『同行』所謂『前輩』比較忍讓，始終都叫做同一個界別，就算點俾記者問，點嬲都好，都盡量唔想點名批評。但原來荒謬只會更荒謬，墮落原來可以如此沒有盡頭，唔可以出聲支持嘅，有苦衷嘅，算，我可以諒解。」
何韻詩痛心疾首的寫道：「但要走上台聲援再向弱者踩多幾腳嘅呢啲，絕對不能容忍。一個二個雙重標準，什麼『不談政治』？當年無利益衝突就高調支持北京學生，去跑馬地表現悲壯；過咗三十年時勢唔同喇，而家你地自己屋企有事啊，要你地支持學生就懶高尚『不談政治』，極權要你地低頭就乖乖站台？一知半解、睇咗幾條片就覺得掌握真相嘅人，你哋冇資格批評我哋嘅年輕人。你哋催眠到自己，都說服唔到真正嘅香港人。」
-----------------------------
7月4日起 《蘋果動新聞》只限升級壹會員閱覽
繼續撐蘋果！
|
鍾意就快D Share啦！
|
|
|