29歲網絡女神「娘娘」杜小喬，曾被傳收兵無數的她，自爆初戀發生在13歲，至今只拍過兩次拖，一次長達9年，一次差唔多1年；而dry了3年的她，原來已靜靜地又收兵，日前杜小喬和新歡在灣仔街頭拖手仔，被讀者Yiu透過「爆相爆片」分享，更認出她的新歡是大台藝員仔——譚永浩。
讀者Yiu在電話表示：「嗰日下晝6點幾，我搭電車經過修頓球場附近，見到杜小喬拖住一個男仔，佢哋拖手好sweet，拖到實一實，十指緊扣，有講有笑，行去喜帖街後面食肆。初頭我都唔認得個男仔，後來再睇番啲相，覺得似無綫藝員譚永浩，因為之前睇《都市閒情》見過佢唱歌，跟住睇番杜小喬嘅IG，佢哋近排有套音樂劇飾演情侶，所以肯定係譚永浩，佢哋應該係拍拖啦。」
譚永浩於2010年參加英皇新秀歌唱大賽，奪得「金咪大獎」和「最受歡迎網上人氣獎」，2年後入讀無綫藝員練班，畢業後做過《安樂蝸》等節目主持，去年在劇集《救妻同學會》中飾演花弗男徐嘉偉（PatPat），今年終於簽大台做經理人，在圈中默默耕耘的他知名度不高，他在訪問中曾透露，讀完訓練班之後兩年左右，試過戶口只剩38元！
本月23日公演的音樂劇《我們的青春日誌》，譚永浩和杜小喬都有份演出，未知是否因合作擦出愛火花呢！
|
鍾意就快D Share啦！
|
|
|
