容祖兒前晚演唱會請來張學友做嘉賓，當祖兒唱《這麽近那麽遠》時，歌神突然現身，引起全場起哄。祖兒自言：「我讀中學就聽你嘅歌。」學友即指祖兒畀面：「通常啲人都會話係小學聽我唱歌、或者父母聽我嘅歌大。」學友表示當年祖兒初入行時，楊受成已向他介紹，但一直未有合作機會：「我係一個好挑剔嘅人，唔容易讚人，但我覺得祖兒喺現今樂壇，具備晒所有條件嘅歌手，佢有熱誠、謙虛、努力，佢會挑剔自己，又勇於挑戰，佢好值得佢嘅後輩向佢學習。」祖兒聞言即開心地笑。
相關新聞：【腰斬演出】劉德華自資申請檔期補場
祖兒比喻在20周年演唱會請到學友做嘉賓，等於收到入行20年來最大的花紅，學友聞言鬼馬地向台下的楊受成追數：「咁你要出花紅畀我！」接下來兩人再合唱學友的金曲《真情流露》，祖兒笑言：「企學友哥哥隔籬好安心，似食咗靜心。」
來源 source: http://hk.entertainment.appledaily.com
|
鍾意就快D Share啦！
|
|
|