容祖兒今年初承認跟拍拖五年的劉浩龍分手，正當大家以為她感情又處空白期時，《蘋果》目擊祖兒跟王菀之的已婚叔仔Gavin So近月來過從甚密，兩人不單上月秘密往東京蜜遊4日3夜，Gavin在祖兒紅館舉行演唱會期間，幾乎晚晚現身撐場，剛巧Twins早前在祖兒個唱上漏口風爆她的追求者在場，證據確鑿，「蘇兒戀」曝光。
相關新聞：新歡已婚有一子
現年39歲的容祖兒跟劉浩龍相戀五年，年初祖兒承認戀情玩完，回復單身的祖兒早前和楊受成兒子楊政龍傳緋聞，但男方隨後爆出跟KOL女友黃子菲已有BB。另邊廂有指劉浩龍在私人Ig貼出車牌「MY JOEY」相片，似對祖兒未忘情，但據知祖兒沒打算翻撻劉浩龍，《蘋果》連月發現祖兒與王菀之的已婚叔仔Gavin So發展「蘇兒戀」約半年，兩人不但日日見相約食飯，上月更雙雙到日本蜜遊。
| 祖兒現身機場出發去日本，據知與Gavin相戀已半年。 | 身穿bra top披外套的祖兒由日本甜蜜返港。 | 四日之旅後Gavin搭遲一班機從日本回港，他一身輕便步出機場。 |
遲一班機
祖兒與Gavin於上月11日出發到東京4日3夜，當日下午3時許，祖兒戴漁夫帽及口罩由司機和女友人陪同到機場，到埗後不停撳手機，之後單拖由禮遇通道入閘，Gavin則避過記者入閘。到14日兩人結束行程前後腳回港，遮到實的祖兒約下午4時單拖抵港步出，由司機接載離去；而搭遲一班機的Gavin則於6時50分抵港，出閘後行去停車場，煙癮頗大的他等車時連吸兩支煙，更將煙頭隨地丟，欠缺公德心。
回港翌日即15日，打得火熱的祖兒和Gavin又見面。Gavin晚上7時許收工後搭港鐵去中環，到達後先去食店買外賣，然後站在街上。不久祖兒的七人車出現，Gavin視察現場環境大約20秒，確定「安全」後祖兒才落車，戴上口罩和漁夫帽的她跟Gavin走入一幢商業大廈。約三個多小時後兩人齊齊落樓，雖然已是凌晨時分，但祖兒仍保持警覺四圍望，相反身後的Gavin相當疲倦，不停打呵欠，最後兩人同車離去。
相關新聞：【曾三角戀】與阿詩17年感情瓜葛
Twins爆料
本月5日祖兒紅館演唱會展開，在12日Gavin收工後立即搭港鐵去黃埔，會合友人醫肚後坐的士去紅館捧場。第二日Gavin收工後再到紅館睇祖兒，到14日Gavin陪女友人睇騷，之後的16及17日他繼續出席祖兒的紅館騷，還坐在第一行最佳位置，舉動十足男主人一樣。不過Gavin行徑低調，有時會到後台取工作證入場，但亦會持門票和朋友跟其他觀眾一樣入場。查實祖兒好姊妹Twins任祖兒13日那場演唱會嘉賓時，蔡卓妍曾爆料：「好多人追祖兒，今日呢度就有幾個喺度！」鍾欣潼接着說：「日本嗰個呀？」兩人似若有所指。
《蘋果》昨日致電Gavin向他求證與祖兒拍拖一事，他說：「唔係㗎唔好意思，唔該你。」跟祖兒是甚麼關係？Gavin未有回應，再問他與太太是否已離婚，Gavin說：「我冇嘢講呀，唔該你。」說罷即收線。祖兒昨日亦有回覆：「啱啱瞓醒就嚇醒，Gavin係我其中一個兄弟，真係唔好意思又拖咗另外一位兄弟落水，我哋都係一班朋友一齊玩，我哋絕對冇發展機會。我都知道大家對我嘅感情未有着落都好緊張，但我有好消息一定會話畀大家知，正如我喺演唱會所講，我𠵱家係single，絕對開放歡迎大家有好嘢介紹畀我。」
採訪、攝影：徐錦池、孔志豪、朱志聰、魯吉、陳杰
|
鍾意就快D Share啦！
|
|
|
