掃呢頁CODE去手機

2019年8月27日 星期二

英超Fever:【有片】網民眼利 曼聯馬古尼被笑到面黃 __,曼聯,

(互聯網)曼聯新中堅哈利馬古尼,今夏以8000萬鎊「入魔」,壓倒華基爾雲迪積克成為全球最高身價後衞。英超新季首場賽事,馬古尼已獲頒全場最佳球員,起步似 ...


(互聯網)


曼聯新中堅哈利馬古尼,今夏以8000萬鎊「入魔」,壓倒華基爾雲迪積克成為全球最高身價後衞。英超新季首場賽事,馬古尼已獲頒全場最佳球員,起步似乎唔錯,但之後2戰紅魔都贏唔到,馬古尼於上仗不敵水晶宮失嘅第1球需要付上責任。呢名英格蘭正選中堅,要成為曼聯後防大佬並打出成績,條路仲係好長。

馬古尼之前踢李斯特城,受注目程度當然唔可以同依家相比,故有啲跑姿小動作,之前冇人發覺原來係咁搞鬼。有球迷留意到,呢名26歲守將跑姿勁怪,尤其係雙手擺動時勁唔自然,有球迷CAP咗條片放上網,睇到佢隻左手好似休住自己條波褲咁,堅係趣怪。

有球迷就咁樣形容:「馬古尼呢個動作,就好似沖沖吓涼聽到電話響,之後圍住條毛巾衝出個廳去接電話咁」唔少網民都覺得形容得好貼切真心好笑!曼聯另一中堅菲爾鍾斯,一向係球壇笑彈,一副冏樣全球知名,睇嚟馬古尼都有潛質做繼承人。

立即參加「賞您睇」: https://tinyurl.com/y2e6pmwk 

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!