舞台劇界近年越見熱鬧，在舞台劇台板上見着電視、電影、樂壇的熟識臉孔，甚至還有出任幕後及導演等工作，最新有王菀之身兼《First Date》出品人、監製、繙譯劇本和演員四職。各界齊在舞台劇界爭位，或與近年內地對電影及電視審查收緊有關，不過王菀之、香港話劇團助理藝術總監馮蔚衡及劇場監製張珮華，受訪時都認為這對舞台劇界而言，是好事。
相關新聞：馮蔚衡執導最長舞台劇
電影、電視人，甚至歌手踩過界踏入舞台劇，今年首次踏足的有惠英紅主演《玻璃動物園》、劉松仁監製《利瑪竇》、葉德嫻主演《親親麗南》、宣萱主演《大辭職日》，王菀之下周五開演的舞台劇《First Date》，首次身兼出品人、監製、演員及繙譯劇本，她更找來吳鎮宇首演舞台劇，今次瞓身參與，王菀之日前受訪時說︰「舞台係一個好有魅力、好夢幻嘅地方，同自己承諾過，每年幾忙都好，一年都做一套舞台劇。今次邊學邊做，好似一夜成長。」王菀之更感謝吳鎮宇的大力支持。
| | |
渴求現場感
舞台劇興旺，有指因近年內地對電影及電視審查收緊，令部份作品未能上映，因此某些娛樂公司惟有另闢出路，其中包括投資舞台劇，問到香港話劇團助理藝術總監馮蔚衡，她說︰「好事，香港係個多元社會，可以有好多唔同形式嘅作品出現。我哋係政府藝團（香港話劇團），同商業運作嘅模式唔一樣，多啲選擇，世界咪靚啲。」劇場監製張珮華則認為︰「其實十幾年前已經開始，只係今年較白熱化。當手機可以睇到娛樂時，始終有觀眾渴求現場感、即時反應嘅演出。」為何近年較蓬勃？她說︰「可能係𠵱家電影、電視喺題材同尺度上，時不時都有一定嘅調整。」
相關新聞：張珮華同秋生組團
有規劃回本
問到舞台劇是否回本較快？馮蔚衡則認為︰「我唔敢講，大家嘅運作唔一樣，但我哋係蝕住咁做，好似《如夢之夢》因為有政府支持，票價先可以做到咁低，如果喺北京、上海，票價要賣貴一倍以上。」王菀之則表示因為間間公司不同，而舞台劇由籌備到完成，並不一定比電影電視快，就如她的舞台劇《First Date》，有九個月時間籌備，但王菀之仍覺不足夠。張珮華表示︰「舞台劇嘅優勢係因為有演期，知道幾時演出，幾時開票房，對投資者嚟講睇到幾時可以回到本，較有規劃。」她認為舞台劇另一優勢是同一個劇本，可在短時間內由不同演員演出，如之前《狂揪夫妻》蘇玉華接替吳君如再演，可以吸引投資方再投入資金。
馮蔚衡也認同舞台劇觀眾的層面不斷改變，她說︰「𠵱家多咗商業演出，吸引到平時唔入場嘅觀眾。可能電影電視嘅模式轉變緊，觀眾選擇吓舞台呢個media。」張珮華則說︰「好似《杜老誌》，以前確係有呢個地方，年輕觀眾會帶上一代入場睇；又有啲劇係改編十幾年前嘅廣播劇，年輕觀眾會入場懷舊吓。」王菀之認為以前沒有慣性入場的觀眾，但現在會有一些觀眾帶朋友一同入場，間接擴展觀眾層。
採訪︰羅婉玲
攝影︰沈健程
|
鍾意就快D Share啦！
|
|
|