網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年9月10日 星期二

【爆離大台原因】67歲硬漢羅莽拳腳生風 一生最後悔拍《城寨英雄》 __,TVB,城寨,城寨英雄,大台,羅莽,

 攝影:陳俊強
羅莽練得一身真功夫,12歲開始學南派朱家螳螂,因為身手了得,考入邵氏做武打明星,更憑電影《少林與武當》紅到去美國,其後加入無綫,雖然轉做搞笑角色,但數 ...


羅莽練得一身真功夫,12歲開始學南派朱家螳螂,因為身手了得,考入邵氏做武打明星,更憑電影《少林與武當》紅到去美國,其後加入無綫,雖然轉做搞笑角色,但數十年來每早起床的第一件事,都是練功夫,被尊稱為羅師傅的他,實至名歸。

相關新聞:【我墮入情網】羅莽憶亡妻讚偉大 撻着細20年女友譜父女戀



離開無綫多年的羅師傅,最近因跟細20年的女友戀情曝光,勾起大眾對他的深刻印象,日前羅師傅接受《蘋果》專訪,現67歲的他即席耍南派朱家螳螂,拳腳生風,果然寶刀未老。在城寨長大的羅師傅說:「因為我有6個細佬,城寨地方品流複雜,我身為阿哥,老竇叫我學功夫保護弟弟,我12歲開始學南派朱家螳螂,好辛苦,因為易學難精,要浸好多年先有所成就。」



學有所成的羅師傅,因為鍾意睇武俠片投考邵氏,首部電影就剃光頭拍張徹導演的《少林寺》,其後更憑電影《少林與武當》紅到去美國,「學武功最緊要發揮所長,我練咗咁多年功夫,都覺得自己有啲成就,曾經去美國拍動作西片。」有否試過用功夫教訓人?羅師傅坦言:「喺城寨有試過,有黑社會份子叫細佬唔好返學,跟佢哋去玩,細佬同我講俾人蝦,於是我去同佢理論,佢哋見我螳螂拳咁犀利,刀都唔敢抆出嚟,走都走唔切。」身手了得的他,拍戲時更遇過有對手暗中較量,「度招打,有啲本來打上面,但佢特登打下面,好百厭!好托賴,練功夫練咁耐,我一直持之以恒,好大膽講未試過撞到對手。」



憑真功夫成名的羅師傅,回顧自己的影視路,他說:「邵氏係我嘅光輝歲月,TVB係鍛煉我嘅演技同磨練我嘅毅力,兩個地方我都得到好多好處,最近拍《Made in China Town》,我扮演中國黑幫,其他外國演員都有啲名氣,我好榮幸練功夫咁多年學有所用,因為外國人咁高大,見到我咁細粒,一見到Chinese功夫好開心,摸我個頭,我唔鍾意摸身摸勢,結果機會嚟,有場戲拍講數,我用真正嘅演技同功夫,嚇到佢哋猛食NG,之後佢哋見到我,個個都好尊重我,好有成功感。」



曾經是武打明星的他,入無綫後變搞笑藝員,羅師傅一樣敬業樂業,但最後卻帶着遺憾離開無綫,他說:「最唔開心係拍《城寨英雄》冇機會畀我發揮,點解呢?當時我喺TVB,官方周刊搵我做訪問,問我城寨嘅事,我將自己喺城寨嘅歷史全部講出嚟,冇幾耐無綫開《城寨英雄》,好可惜我嘅發揮機會係咁少,我喺城寨長大,對嗰個地方咁熟悉,如果多一啲戲份,效果出嚟係咪好啲?係咪多啲觀眾呢?可惜佢一招都唔畀我打,奇怪!」



問到接拍時知否戲份少?他說:「通知我有份做,我就唔知戲份咁少,應該唔會浪費我吖,結果我做落去,監製同我講,有場戲講我強姦女仔,跟住同主角打兩三招,我都諗住有兩三招打都好,我都夠啦,點知拍攝時打都唔打,一刀插我瞓喺地下。」事後有否向無綫了解?他說:「我覺得唔需要,好尊重TVB制度,安排你做乜就做乜,我雖然喺邵氏係光輝日子,做大英雄唔搞笑,入到無綫監製叫我做乜就做乜,可能《城寨英雄》覺得我唔能夠打,搶咗主角戲份,但我覺得打一兩嘢都好吖。」



所以約滿唔續?羅莽坦言:「可以咁講。」是否很遺憾地離開?他笑說:「係,哈哈哈,唔緊要,而家咁多戲拍,排緊舞台劇《夜谷賓館》,內地都有音樂劇搵我做。」讀書時曾夾band唱主音的羅莽,更即席清唱了幾句《Desperado》、《Soldier Of Fortune》,聲線低沉雄宏,果然又打得又唱得。



最後問到一生有冇做過後悔事?羅師傅哈哈笑說:「就係拍咗《城寨英雄》,早知唔拍,講咁多畀佢聽,拍得兩個鏡頭。」



撰文:余燕儀

攝影:陳俊強

攝錄:廖達燊

場地:The AIR (The ONE)



-----------------------------

【撐學生】

召集有心人 撐學生全年睇《蘋果》

立即按此



攝影:陳俊強  邵氏出身的羅師傅,坦言邵氏年代是他的光輝歲月。 邵氏出身的羅師傅,坦言邵氏年代是他的光輝歲月。
羅師傅:「最唔開心係拍《城寨英雄》冇機會畀我發揮。」

羅師傅:「最唔開心係拍《城寨英雄》冇機會畀我發揮。」
 12歲開始學南派朱家螳螂

12歲開始學南派朱家螳螂
 練功過程好辛苦,因為易學難精。

練功過程好辛苦,因為易學難精。
 現年67歲的羅師傅,每早起床第一件事都是練功。

現年67歲的羅師傅,每早起床第一件事都是練功。
羅師傅可能太好打,《城寨英雄》怕他搶了主角的戲份,所以在劇中浪費了師傅的好身手。

羅師傅可能太好打,《城寨英雄》怕他搶了主角的戲份,所以在劇中浪費了師傅的好身手。
 羅師傅紅到去美國,更用真功夫降服老外演員。

羅師傅紅到去美國,更用真功夫降服老外演員。
大台劇《城寨英雄》男主角是陳展鵬

大台劇《城寨英雄》男主角是陳展鵬

鍾意就快D Share啦!