網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年9月8日 星期日

蔡一鳳:蔡一鳳追討6億巨債 9月30日出庭 __,蔡一鳳,

蔡一鳳早前於社交網爆「知名女星的丈夫」欠下6億巨債。名媛蔡一鳳(Michelle)今日出席義工探訪活動,她表示適逢中秋節,都會派月餅送上祝福,更笑指期 ...


蔡一鳳早前於社交網爆「知名女星的丈夫」欠下6億巨債。


名媛蔡一鳳(Michelle)今日出席義工探訪活動,她表示適逢中秋節,都會派月餅送上祝福,更笑指期待一對仔女長大,可以一齊行善:「佢哋依家開始識行一、兩步,遲啲會多啲帶佢哋出嚟,要畀佢哋學識要有感恩之心,同埋回饋社會。」


講到一對龍鳳胎下個月就滿一歲,Michelle興奮謂:「時間過得超快!感覺好似啱啱生完佢哋咁。(會搞個Party慶祝?)搞Party覺得佢哋仲細,享受唔到咁,計劃會去旅行慶祝,地點未定,之前同佢哋去過美國、日本,今次唔想去太遠,可能新加坡、台灣,呢啲地方家傭都唔使簽證,一定要帶家傭一齊去。」可有試過一湊二?她笑話曾經試過單獨陪兩個B,最後被「玩謝」:「最多20分鐘,就算兩公婆湊都要家傭,佢哋唔鍾意坐BB車,兩個都係好動寶寶,會成日爭玩具同爭寵扭我抱。」


至於提及早前她於社交網站爆Seed大爆一名「知名女星的丈夫」向其家人借下巨款,至今連本帶利欠債近6億,問到借款者之後可有聯絡她還錢?Michelle稱對方「潛水」冇任何回應:「之前有恐嚇過我,仲一直搵中間人同我傳話,佢見我企得咁硬,就冇再出過聲。呢啲都係交畀律師處理,告到佢上法庭,今年年頭就已經入稟法庭,但佢一直都避開現身、又拒絕收律師信,律師專登7月寄畀佢,佢收咗,所以9月30號佢一定要出庭應訊。」問到對方身份時,Michelle封口說:「我唔方便開佢個名。(該名女星仲活躍喺娛樂圈?)仲好活躍。(佢老公係圈中人?)一半圈內、一半圈外,兩公婆都有知名度。(有合作過?)冇,佢係朋友介紹識,依家連畀支票我嗰個助手都消失咗,彈票都幾大罪,就算我唔開佢叫咩名,9月30號之後都會知。」續指之前亦曾有中間人聯絡過老公盛品儒:「老公同中間人講交番畀我處理,老公好支持我告到底。」


---------------
立即參加「賞您睇」:https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。



來源 source: http://hk.on.cc
鍾意就快D Share啦!