- 【她她她的少女時代真.媽媽】堅過阿田 林凱恩母親與女兒同年畢業 拎埋獎學金
- 6小時前
呢排大台劇，真係靠剛解約嘅田蕊妮演技，令播出中嘅《她她她的少女時代》贏口碑、收視。飾演佢個女嘅林凱恩，亦受網民熱愛，讚佢演得自然率真。
人生如戲，戲如人生。劇中阿田飾演林凱恩嘅阿媽，講佢如何離婚後自強，過精彩人生。現實中，真.阿媽一樣堅，同樣係單親媽咪，帶住一對仔女，工作之餘仲完成七年神學，14年仲同阿女林凱恩同年畢業，齊齊著上畢業袍影相留念。林凱恩係城大修讀公共關係及廣告社會科學副學士，林母亦學海無涯，孭住頭家利用工餘時間完成神學。
見林凱恩post母女畢業look，同哥哥開心合照，留言寫上:「我最敬重的媽媽，終於畢業了。一個努力讀了七年神學，早上還要工作的媽媽，讀書最大目的竟然是為了可以幫到更多的人。我真心為她感到自豪，仲要拎到獎學，這個女人不簡單，我會掛住同媽媽一齊趕功課的日子，作為女兒心感欣慰，愛你。」
佢對媽媽嘅敬重，真係唔係一次半次嘅表達，從林凱恩嘅ig，會睇到佢不時post母女相，言詞間都感受她倆的親密，及林凱恩嘅孝順，感激呢位單親媽為子女付出嘅辛勞。如「由我來保護你，照顧你。」、「沒有你，沒有我，最愛的媽媽……我會繼續牽著你，帶你去威，努力把最好的都給你，包括我自己。」
佢唔係空口講白話！真係好多時都帶住媽媽去威，就算同閨密郭嘉文high tea，都帶埋阿媽一齊去。
來源 source: http://nextplus.nextmedia.com
|
鍾意就快D Share啦！
|
|
|
