現年45歲的森美前晚接受杜汶澤的網台節目《CEO會客室》訪問，森美提到今年5月時發現口腔有色素瘤，他擔心生癌馬上看醫生，並接受切除手術。森美在節目中驚爆當日發現口腔內有一粒黑色如痣的物體：「初頭冇理，諗住生粒癦冇乜嘢，直到年中搵做牙醫舊同學睇牙，佢見到話『口腔入面好少有痣』，然後畀咗個專科電話我，臨走時佢無端端望住我，我仲記得佢個表情『得閒出嚟見吓面囉……下個禮拜約啲friend出嚟飲嘢』，佢講完我個心即刻怯一怯……」
| | |
「皮膚癌嘅一種」
森美回家感忐忑不安便上網查看相關資訊：「原來叫色素瘤……色素瘤係皮膚癌嘅一種，亦都比較嚴重，喺口腔出現嘅存活率大約係20%。」面對身體突如其來響起健康警報，森美馬上求醫。
森美昨日被本報問到健康情況，他回覆說：「冇事，過咗喇，都幾個月前。嗰陣未查清楚就驚啲，因為喺口腔入面好少有，後尾查到係良性，不過都驚變惡性，咪割咗，暫時冇後遺症，要繼續check多啲。小手術箒，嗰陣時都照做（電台）節目。」森美提到等化驗報告期間：「嗰陣太太喺英國陪仔會考，我當時淨係同太太講，諗住出咗報告有乜嘢事先同其他人講，唔想爸媽擔心。」
森美在阿澤的網台節目訪問中無所不談，指囝囝赴英國讀書前，對政治有興趣，曾發送電郵給立法會前議員鍾樹根：「囝囝話：『唔係撐佢呀，覺得佢好慘！』咁佢有同情心，我都覺好事。」森美後來還發現兒子與李偲嫣有WhatsApp交流，兩人竟交談政治問題，不過後來囝囝答李偲嫣他是「梁小朋友」，李偲嫣就封鎖了他，森美指父子間政治想法不同。
開咪爆喊認眼淺
森美重提7.21暴力事件翌日電台開咪時爆喊：「我比較眼淺，容易被情緒觸動。希望有一個理性嘅世界、理性嘅社會。」看到抗爭者升級行動，森美說：「我唔係置身當中，我覺得有一樣好緊要嘅，係用公民抗命去作為一個政治嘅手段當中，其實一個好重要嘅目的都係要拉攏，我唔知嗰個抗爭用唔用暴力，或者個暴力用幾多，唔到我講」
採訪：皓騫
|
鍾意就快D Share啦！
|
|
|
