邵氏70年代武打明星、現年67歲的羅莽，自12歲起學南派朱家螳螂，數十年來每早起床的第一件事，都是練功夫。日前羅師傅接受《蘋果》專訪，近年已離開無綫的他提起舊東家，直言後悔接拍劇集《城寨英雄》，由於冇得打促使他心淡離開，羅莽說：「最唔開心係冇機會畀我發揮，一招都唔畀我打，可能驚我搶咗主角戲份。」
撰文：余燕儀
攝影：陳俊強
相關新聞：亡妻情深義重
羅莽最近跟細20年的女友戀情曝光，再度成為話題人物，30年前喪妻的羅莽透露八年前認識了現任女友Vienem，他低調地說：「求其搵個人陪吓就算，男女之間合就喺埋一齊，多謝傳媒咁關心，但問得多係一種壓力，希望大家唔好畀咁多壓力我。」問會否介意被指是父女戀？羅莽說：「唔緊要，現今社會好開放，我唔覺得乜嘢一回事。」
| | |
功夫嚇窒外國人
新一代的觀眾，大多對羅莽的搞笑形象深刻，但原來他在70年代入行，首部電影就剃光頭拍張徹導演的武打片《少林寺》，其後更憑電影《五毒》紅到去美國。他說：「邵氏係我嘅光輝歲月，TVB係鍛煉我嘅演技同磨練我嘅毅力，兩個地方我都得到好多好處，最近拍《Made in Chinatown》，我扮演中國黑幫，我好榮幸練功夫咁多年學有所用，因為外國人咁高大，見到我咁細粒，一見到Chinese功夫好開心，摸我個頭，我唔鍾意摸身摸勢，結果機會嚟，有場戲拍講數，我用真正嘅演技同功夫，嚇到佢哋猛食NG，之後佢哋見到我，個個都好尊重我，好有成功感。」
相關新聞：【蘋聞重溫】張徹契仔打出名堂
| 羅莽憑電影《五毒》飾演李豪一角，令他奪得美國Phillywood Entertainment的國際武術影業終身成就獎。 | 電影《金臂童》令羅莽揚威海外，16年美國導演Robert Samuels更翻拍成短片《Golden Arms Returns》，並由羅莽親身拍攝。 |
《城寨英雄》最遺憾
曾是武打明星的羅莽，入無綫後變搞笑藝員，他一樣敬業樂業，但卻因接拍劇集《城寨英雄》，最後帶着遺憾離開，他說：「最唔開心係拍《城寨英雄》冇機會畀我發揮，當時官方周刊搵我做訪問，問我城寨嘅事，我將自己喺城寨嘅歷史全部講出嚟，冇幾耐開《城寨英雄》，我喺城寨長大，對嗰個地方咁熟悉，如果多一啲戲份，效果出嚟係咪好啲？可惜佢一招都唔畀我打，奇怪！」問到接拍時知否戲份少？羅莽說：「通知我有份做，我諗應該唔會浪費我吖，結果監製同我講，有場戲講我強姦女仔，跟住同主角打兩三招，我都諗住打兩三招都夠啦，點知拍攝時打都唔打，一刀插我瞓喺地下。」他說事後也沒有向無綫了解：「監製叫我做乜就做乜，可能《城寨英雄》覺得我唔能夠打，搶咗主角戲份。」所以約滿唔續？羅莽坦言：「可以咁講。」問到羅莽一生有否做過後悔事？他哈哈笑說：「就係拍咗《城寨英雄》，早知唔拍，講咁多畀佢聽，拍得兩個鏡頭。」
| | 1989年轉投無綫後，羅莽多做諧角，其後在劇集《娛樂插班生》中飾演「胡江」一角受觀眾注視。 | 羅莽直言後悔接拍劇集《城寨英雄》，最後更促使他無癮離巢。 |
在城寨長大的羅莽直言因家中有六個弟弟才去學功夫，他說：「城寨地方品流複雜，老竇叫我學功夫保護弟弟，我12歲開始學南派朱家螳螂，好辛苦，因為易學難精，要浸好多年先有所成就。」有否試過用功夫教訓人？羅莽坦言：「喺城寨有試過，有黑社會分子叫細佬唔好返學，細佬同我講俾人蝦，於是我去同佢理論，佢哋見我螳螂拳咁犀利，刀都唔敢抆出嚟，走都走唔切。」拍戲時遇過有對手暗中較量，羅莽說：「度招打，有啲本來打上面，但佢特登打下面，好百厭！好托賴，練功夫練咁耐，我一直持之以恒，好大膽講未試過撞到對手。」
場地提供：The AIR（The ONE）
|
鍾意就快D Share啦！
|
|
|