網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年9月30日 星期一

張紋嘉:拍住上賣蟹 張紋嘉鄧穎芝執過萬做到喊 __,張紋嘉,鄧穎芝,

加油呀!藝人鄧穎芝(Vangie)偕好友張紋嘉(Crystal)逆境自強,最近齊齊處女下海兼職做「蟹后」,由接單、揀貨、做埋外賣妹送貨上門,提供一條龍 ...


加油呀!


藝人鄧穎芝(Vangie)偕好友張紋嘉(Crystal)逆境自強,最近齊齊處女下海兼職做「蟹后」,由接單、揀貨、做埋外賣妹送貨上門,提供一條龍服務!短短十日每人已有5位數進帳,Vangie分享送蟹送到喊的經歷,深深體會到力到不為財之道!


私家車送外賣


藝人鄧穎芝(Vangie)和張紋嘉(Crystal)兩位「80後」藝人,初出道時當偶像歌手齊追夢,娛圈生涯逾十年,學曉搵食艱難,近年努力轉型,Vangie兼任健身教練外,與兼任舞台劇演員的Crystal開二手店賣衫,最近力抗「經濟颱風」賺快錢,利用人脈網售大閘蟹。日前雙「蟹后」齊齊開工,先到批發商揀蟹,眼見一籮籮蟹山時,兩女即「摩打手」照單密密執貨,更公開揀蟹心得:「睇蟹係咪新鮮,唔係篤眼,而係篤眼下面個位,蟹乸個奄係圓,蟹公就係三角嘅。」


在場的批發商測試二人的膽量,除去大閘蟹的草繩,要她們徒手拎起活蟹,兩女即時「笠水」驚叫。Vangie發現有盒裝蟹粉批發時,Crystal即說:「可以賣埋蟹粉喎,又多條財路」執完過百隻蟹後,體重未過百磅的兩女突然「大力士」上身,各自捧住每籮約五十隻的大閘蟹,兵分兩路逐區送外賣,Vangie更出動私人座駕單拖送貨到大埔區。


各賺一萬蚊


Vangie受訪時被問到首次做大閘蟹生意要投資多少?她直言是無本生利:「因為批發商係朋友,之前幫佢介紹過畀啲朋友,見幾好生意,就問佢攞貨喺網上開甫再收單,過咗數先送貨,19號開檔至今,都有六位數字營業額,扣埋成本,兩個人暫時都有一萬蚊執。」雖然利潤不錯,因大閘蟹亦只能賣到12月,實體店租金高昂,故只會網上兜售。


在短短的賣蟹生涯中,Vangie學曉「唔辛苦點得世間財」的道理,有次她有工作在身,電召貨Van代為送蟹,豈料1時落單要4時送到,貨Van又調亂單送錯地點,遲了兩小時才送到客戶手上,令她崩潰爆喊:「嬲到喺街度喊咗出嚟,啲蟹最緊要新鮮,唔可以擺喺車咁長時間,蝕咗貨事少,得失啲客事大,所以我盡量自己送貨,保證品質!」至於可有遇過「麻煩客人」?Crystal自言客人友善,唯一是要24小時做電召女郎:「好多客鍾意喺凌晨1、2點先嚟落單,可能佢哋夜晚未瞓就上網,睇到我同Vangie啲賣蟹甫就打電話嚟落單,搞到都要夜瞓啲。」


---------------
立即參加「賞您睇」:https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。



來源 source: http://hk.on.cc
鍾意就快D Share啦!