網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年10月17日 星期四

宣萱:做古天樂避風港!宣萱冇避忌唔使「留全屍」 __,古天樂,宣萱,

宣萱同古天樂呢對螢幕情侶終於再合作喇!影帝古天樂(古仔)與宣萱的緣分,始於1994年合演的無綫處境劇《餐餐有宋家》,到17年前隨着《尋秦記》煞科,銀幕 ...


宣萱同古天樂呢對螢幕情侶終於再合作喇!


影帝古天樂(古仔)與宣萱的緣分,始於1994年合演的無綫處境劇《餐餐有宋家》,到17年前隨着《尋秦記》煞科,銀幕上二人突然走在平衡線上,再沒有膠着點!直至早前宣萱簽約古仔旗下,終於再合演新戲《犯罪現場》。在戲中二人關係曖昧,扮演重犯的古仔離世後,將眼角膜捐贈給弱視宣萱,遺「愛」人間。


相隔多年再合作,宣萱形容二人默契依然,訪問期間雙方互窒吵鬧,「Mr.Cool」更罕有露齒笑,或許就如他所言:「今次我個角色嚴重失眠及出現幻視,租住宣萱屋企後先有避風港,壓力得以紓緩。」無論戲裏戲外,宣萱的樂天都感染到古仔,當了他的「安樂窩」,彼此友誼不言而寓。


戲中古仔雖犯罪,但卻不容「被屈」,為眾兄弟應得的花盡心力去「尋求公義」。談到角色性格,他坦言:「佢覺得幫兄弟緊要過生命。(同你本身好似?)應該話事有緩急輕重,邊樣緊要就做邊樣先。」煞科戲令古仔印象難忘:「拍之前嗰幾日黑雨,發現咗好多紅螞蟻,我仲要碌地,又擔心會咬到工作人員,每次埋位都要用火烘一烘。」他又笑指拍檔凌文龍對拍動作戲特別興奮:「見佢咁咪安排場3樓跳落嚟嘅戲畀佢親身上陣囉,本來有替身嘅,不過事前安排佢試咗位好多次。」


問到宣萱如何看待「器官捐贈」,她毫不忌諱地答:「18歲嗰年我喺英國考車牌,當時會夾住器官捐贈回條,我爽快咁簽咗,總之我全身可以幫到人嘅,都可以隨便拎走。可能會係中國人嘅大忌,覺得要留全屍,但我覺得唔會劏開我就算,一定會縫合嘅。」至於日後她想在影壇挑戰甚麼角色,古仔即「搶答」:「佢好少演反派,畀個壞人角色佢演吓囉。」宣萱補充:「係呀,我最多演過大婆,畀氣二奶受咋。」




宣萱
Wardrobe: Cocktail
Hair: Keith Wo @La Biostheque
Make up: Kamen Leung




古天樂
Hair : Dan Tam @O4
Make up : Carman Man


---------------
立即參加「賞您睇」:https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。



來源 source: http://hk.on.cc
鍾意就快D Share啦!