懷疑因為在網上良心發言表態而遭大台雪藏的林秀怡，由今年6月抗爭運動開始，她先後在網上轟警暴力，又曾響應罷工撐示威者，取向明確的她沒有向強權低頭，直認曾被公司作出告誡：「唔再講呢類嘅嘢，叫我小心啲，都唔係照肺，提醒一句。」但大台事隔兩個月後對她秋後算賬，林秀怡突然被離職，消失於本來主持音樂節目《樂勢力》，其後新劇《十二傳說》亦不獲公司安排宣傳，擺明因政治取向受公司打壓。之後林秀怡亦變得低調，直至日前區議會選舉才在IG蒲頭，並呼籲大家投票。
沉默一段時間林秀怡甚少公開露面，在幕前工作仍未見有轉機，幸好有開設食店維持生計，最開心愛情仍然甜蜜蜜，日前《蘋果》發現林秀怡和男友Kevin在銅鑼灣拍拖行街，二人穿上情侶白色波鞋，雖然天氣開始轉涼，林秀怡依然青春look熱褲騷腿，齊齊在超巿閒逛，兩人亦毫不顧忌公開親熱，到收銀處排隊付款時，林秀怡主動出擊攬實男友，小鳥依人般笑笑口咬耳仔，現場都有人認得她眼望望。最後兩人走到賣生果攤檔前等候包裝，其間林秀怡一邊按着手機，男友慣常姿態在旁靜候，包裝禮品到手後一同離開，搭扶手電梯之際又再攬攬，非常sweet。
林秀怡接受傳媒查詢時透露和男友拍拖兩年，大家感情都穩定，並解釋：「噚日約咗監製德哥（潘嘉德） 食生日飯啊，我喺銅鑼灣做完個訪問，仲有一個鐘時間先夠鐘，諗住自己周圍行吓，點知原本話返公司嘅男朋友突然間出現咗，陪我過咗本身自己一個人嘅一個鐘，小驚喜。」至於工作安排方面，她指：「我最近工作都係等公司安排啊，自己啱啱報咗日文班，增值自己，又拍緊啲YouTube片自己開心吓，同埋賣緊啲保健品，得閒就返舖頭幫手。」雖然幕前未有新安排，但林秀怡的日程仍然安排得相當充實，為每一個機會作好準備。
採訪、攝影：卓寶花
|
鍾意就快D Share啦！
|
|
|