掃呢頁CODE去手機

2019年11月15日 星期五

【頭條獨家】 追求者注意 「絕世好女友」自爆唔鍾意收兵 王浩信教追唐詩詠必殺技 __,唐詩詠,王浩信,

詩詠畀浩信踢爆鍾意發白日夢,仲會諗咗當發生咗,即尷尬狂笑。
【頭條獨家】追求者注意「絕世好女友」自爆唔鍾意收兵王浩信教追唐詩詠必殺技詩詠畀浩信踢爆鍾意發白日夢,仲會諗咗當發生咗,即尷尬狂笑。王浩信和唐詩詠繼兩年 ...




追求者注意「絕世好女友」自爆唔鍾意收兵王浩信教追唐詩詠必殺技詩詠畀浩信踢爆鍾意發白日夢,仲會諗咗當發生咗,即尷尬狂笑。王浩信和唐詩詠繼兩年 ...




【頭條獨家】 追求者注意 「絕世好女友」自爆唔鍾意收兵 王浩信教追唐詩詠必殺技

詩詠畀浩信踢爆鍾意發白日夢,仲會諗咗當發生咗,即尷尬狂笑。

王浩信和唐詩詠繼兩年前《不懂撒嬌的女人》後,最近再在《解決師》中合演情侶,意外發現兩人的默契更進一步,浩信踢爆詩詠成日不自覺發白日夢,仲自誇好了解拍檔有本事將詩詠由太空拉回地球,這更是追詩詠的必殺技;而被喻為「絕世好女友」的詩詠亦承認,揀對象要好似浩信一樣拉到她回地球好重要,至於勇敢向她表白的男仔亦會加分,她又講到明自己唔鍾意收兵,朋友同男友分得好清楚。浩信和詩詠仲合拍到約定將來在浩信自編自導自演的微電影中齊齊發放笑彈。撰文:杜淑霞 攝影:李維隆 髮型:Sue Cheung(浩信)、Eve(詩詠) 化妝:Henry

Li(浩信)、Jessica Chan(詩詠)

不單是詩詠朋友,相信觀眾都會覺得兩人外型確實好襯。
不單是詩詠朋友,相信觀眾都會覺得兩人外型確實好襯。
戲中兩人唔算有太多談情戲,但兩人都演得好過癮。

戲中兩人唔算有太多談情戲,但兩人都演得好過癮。

浩信和詩詠都話知道再合作時既興奮又期待,不過亦多了份憂慮,詩詠說:「我哋仲有咩可以做呢?上次大家有咗個好大嘅效果,入到觀眾個心,大家會有期待,今次仲要冇上次咁多拍拖嘅sweet嘢,都會有啲憂慮㗎!」不過,好彩詩詠對浩信有信心,「我知佢同我演戲方面諗法好似,唔使好似同某啲對手要袋定啲嘢做定準備,可以去到現場先決定。」

詩詠鍾意發白日夢

詩詠去到現場想到角色「Miss Chan」最初因為教學方式唔同而唔鍾意浩信演的「O Sir」,於是現實一樣扮到唔鍾意浩信,「我唔同佢傾偈唔睬佢,哈哈!但我以為自己有同佢講,係最近做宣傳講番,先知自己冇講到,我就發現自己有呢個好大嘅問題。」浩信補充:「佢好鍾意發白日夢,發完又會以為發生咗,我都係做宣傳先知係咁,我都估到對手脾性,同佢打招呼佢唔理,都估佢當我係『O Sir』,佢入咗戲我咪順理成章照做囉!」詩詠更相信有啲對手應該已嬲了她,「相信自己有呢個問題應該好耐,會好多人以為我難合作,我成日諗到以為講咗,之前同阿田(蕊妮)去旅行都係咁,所以我日常都係咁,將來另一半都要好明白先得,我成日發白日夢飄咗去第二個世界咁!(去咗外太空,要地球人拉番嚟?)唔一定地球人,太空人都得,大家一齊飄囉!哈哈!」浩信即認叻話:「我成日睇住佢升空,飄得好快,我會叫番佢返嚟!(得你叫到佢喎?)唔係咩叫拍檔呀!」

兩人最多sweet戲份主要在澳洲拍攝,包括這場咀嘴戲。

兩人最多sweet戲份主要在澳洲拍攝,包括這場咀嘴戲。
首次演老師的詩詠,戲裏戲外都被「學生」稱呼為「Miss Chan」,氣氛特別好。

首次演老師的詩詠,戲裏戲外都被「學生」稱呼為「Miss Chan」,氣氛特別好。

浩信想自編自導自演

講到劇中要主動追浩信,詩詠坦承現實未試過向男仔表白,有點不知所措,但現實她一定冇「Miss Chan」咁勇,「我好怕畀人拒絕,但會好欣賞勇敢表白嘅男仔,會加分,亦都唔鍾意感情係估估吓,一係三個字,一係四個字,最怕嗰啲約足一年都唔講,咁耐都唔敢開口即係唔係好鍾意啫!我自己分得好清楚㗎!朋友就朋友,我唔鍾意收兵,咁樣對人唔係好公平!」浩信好奇問:「如果外國人嗰啲成日對住你講ILove You呢?」詩詠竟然話:「所以我真係唔可以同外國人拍拖,我真係會好亂!」

既然兩人咁合拍,下次合作玩咩呢?詩詠即興奮搶答話想拍喜劇,點知開正浩信嗰瓣,「我鍾意喜劇到自己寫緊一個微電影,我鍾意氹人笑同感動吓人。」聽到浩信話自己執導埋,詩詠即自薦話:「拍戲個團隊諗法一致好重要,佢肯定同我一致,仲識得拉我返嚟。」仲提議:「我哋兩個可以做特工,但係成日甩甩漏漏,但又可以救到大家。」浩信即讚:「我哋一齊就度到嘢!」談到頒獎禮,上次合作令詩詠首封視后,對於今次有冇信心再攞獎,詩詠話要睇埋《多功能老婆》先,又自誇會帶旺拍檔,但問到係咪睇好浩信再攞視帝,她尷尬話:「對唔住,我要投畀馬明!」不過浩信冇怪佢,仲話要對自己有信心,但其他要睇彩數。

浩信大讚演「學生」演員個個好努力,令他更容易投入老師角色。

浩信大讚演「學生」演員個個好努力,令他更容易投入老師角色。
浩信認為今劇打得最甘,更打到爆鼻骨,「吐咗一地血,個鼻仲流咗半個鐘血。」

浩信認為今劇打得最甘,更打到爆鼻骨,「吐咗一地血,個鼻仲流咗半個鐘血。」
詩詠講到明視帝會投契哥馬國明《白色巨人》一票。

詩詠講到明視帝會投契哥馬國明《白色巨人》一票。
詩詠早前因和「補習界王力宏」之稱陳思銘的(Samuel)ig都貼出同一個視角相,疑似約會而傳緋聞。

詩詠早前因和「補習界王力宏」之稱陳思銘的(Samuel)ig都貼出同一個視角相,疑似約會而傳緋聞。
詩詠話同阿田去旅行時,一樣自己諗完就當同阿田講咗,搞到對方好迷茫。

詩詠話同阿田去旅行時,一樣自己諗完就當同阿田講咗,搞到對方好迷茫。

鍾意就快D Share啦!