- 【詩詩細語】那些年周潤發林青霞的片塲趣事 (倪詩蓓)
- 2小時前
今次的詩詩細語，會跟大家分享我和好友李愛林舊日的片場趣事。
那些年，我拍戲，而愛林則做幕後及製片工作。
在娛樂圈工作，上山下海，拍攝時不乏驚險，靈異事件和大堆的Ng 趣事。
我們因而錄影了數集《媽媽聲》的網上節目，大爆當年的片場趣事。現節錄某些內容：
倪：我拍第一部電視劇《對對糊》時仲係青春美少女，當時導演要我拍一塲出浴戲，要我帶着浴帽露出肩膊位置。劇情是講述我沖涼後哼著歌，從浴室開門步出客廳，四位男主角正在偷看我，走出客廳的鏡頭，由替身演出。怎知替身毛巾突然滑落，赤裸上身外，心口還有一堆毛，哥哥張國榮及其他演員本應是吹口哨，最後變成嘔吐聲。
李：講起替身，以前有個叫蕭德虎，佢專替一些高挑女演員做替身，好似林青霞同王祖賢。當年拍緊《新蜀山劍客》，小虎替林青霞吊威也，當佢好靚飛上天嘅時候，鄭少秋要捉住佢，點知唔小心扯甩條褲，見到他一雙飛毛腿。徐克導演即嗌cut─「幫佢剃哂啲腳毛，我唔要見到一條毛。」當時化粧姐姐反應：「唔係啩，做替身都要脫毛、我咪好唔得閒！」
倪：其實拍戲真係好辛苦架，無論幕前幕後，都一樣要付出。如果我唔係去咗台灣發展，同你會有更加多美好時光。
李：你雖然然去了台灣，你的歌舞表演，我當時都有follow 㗎！你的舞台有好多設計，好似魔術表演、歌衫仲好靚，我記得有套bikini 三點式咁款！
倪：我當時有件表演歌衫好囑目，就連華視電視台名主持張小燕的節目《週末派》，都因而邀請我上節目表演，我當日唱譚詠麟嘅《暴風女神》。套衫係由用小鏡片釘成比堅尼，周邊則有皮膚色紗網。舞蹈員每人舉着5呎高的屏風，在舞台上郁動，我會在台上左右兩邊出現，好似變魔術！再配合燈光一照，我舉起一閃電神劍的道具，外形真係好殺㗎！
李：講起道具，你見過人扮道具未？我諗起《賭神2》，徐錦江在戲裏扮銅像，好似未來戦士開塲一樣冇著衫!
倪：係咪似阿諾舒華新力加冇着衫，好大隻好多肌肉個樣！
李：徐錦江個妝從早化到中午，導演望完，便指ok，叫大家先放食飯....徐錦江全身用保鮮紙包住再上油，所以硬晒唔可以郁，郁動會有裂紋，發哥（周潤發）係隔離食緊飯盒，徐流晒口水，我見到佢好肚餓便提出─「不如餵你食少少？」
徐錦江拒絕，佢解釋話「我驚一陣急...要去厠所。」在身邊的發哥忍唔住笑，噴到我全身都係飯！
倪詩蓓
中國香港演員/歌手/雜誌編輯/新加坡兒童感統室內遊樂室的創辦人
【2019 區議會專題】
最齊全區議會入閘名單 互動民調
11.24 用選票重奪區議會
-----------------------------
【升級壹會員登記站 為你解疑難！】
沙田、旺角、荃灣、觀塘、銅鑼灣5區為你服務
詳情地址
|
鍾意就快D Share啦！
|
|
|