蔡少芬母子平安已回家 張晉笑言佢唔封肚我封吖
46歲的蔡少芬（Ada）與內地影星張晉於08年結婚後，現育有8歲長女楚兒和6歲二女信兒，今年6月他們開心公佈喜訊，就是Ada懷有第三胎。由於Ada已是高齡產婦，所以她懷孕期間，張晉無微不至地照顧太太，除了幫手剪腳甲，還有幫她着鞋，令Ada非常感動。
今年Ada過生日時，曾表示生埋呢個就夠晒數可以封肚，當大家都估係咪仔時？原來上周五，Ada已誕下兒子回家了，今日張晉在微博宣佈好消息：「11月15日，母子平安，歡迎張樂兒來到張家，我們平安回家」他更分享一家五口的溫馨合照，只見生完BB的Ada精神奕奕，挨着老公笑得好甜吖！
Ada事後回應傳媒表示：「老公有跟埋入產房剪臍帶，好照顧我。」她憶述一開始再懷孕時好驚，因為又要重新學習湊BB，但一見到BB時又覺得好感動同眼濕濕，她續說：「好感恩又好興奮，多謝上天畀咗一個寶貴嘅產業我。兩個家姐都已經大個女，所以好錫個細佬，樂兒嚟到呢個家庭會好幸福，有個好愛佢嘅爸爸媽媽同家姐。」她並透露其實6年前已經封肚，今次是一個感恩的意外，就算生多個都不會減產，她強調：「大家記得有工作就要搵我」
而張晉亦稱：「我哋當然好開心，（BB）又平安，其實我哋不嬲冇諗過會再有（BB），所以封（肚）吖封（肚）吖，佢再唔封我封吖！」記得Ada之前生兩個女時，BB都好重磅，今次生細仔都唔例外，有8磅2安士重，連張晉都笑言：「BB好大隻吖，好健康呀！」
來源 source: http://hd.stheadline.com
|
鍾意就快D Share啦！
|
|
|