2019年11月17日星期日

入行十年獲莫文蔚關顧王梓軒爆石祐珊keep住面黑 __,王梓軒,莫文蔚,

入行十年獲莫文蔚關顧王梓軒爆石祐珊keep住面黑

王梓軒作客TVB娛樂新聞台節目《StarTalk》接受主播許文軒訪問。

王梓軒(Jonathan)將於下月20、21日在會展舉行兩場演唱會，為入行十周年做個小總結，他更點名多謝這十年間曾經出現過的每一個戰友，尤以經理人石祐珊，仲爆料指睇返他跟嘅舊照，珊珊塊面都好黑：「冇石祐珊，何來王梓軒？我哋九年前開始合作，其後佢再成為我經理人，佢好努力令我哋嘅團隊團結，好多時佢會犧牲咗自己嘅休息時間同埋形象，我哋笑咗佢好耐，可能平時佢匆匆忙忙做嘢，所以每張相影到佢都係黑面。」

Jonathan亦特別感謝「家姐」莫文蔚，他說：「每次佢忙完返嚟香港都會搵我，睇吓我點，俾我意見，有一期我放多咗時間喺影視上，我變得失去平衡，好迷失，應唔應該繼續行，點樣俾觀眾知我係一位歌手，但Karen叫我唔使理，觀眾只會在意我嘅作品好唔好，而唔係我係歌手定係演員，佢要我做好自己嘅作品就得，佢真係點醒咗我！」