2019年12月23日星期一

【頭條獨家】望抹甩空中瑜珈黑歷史細細粒搵健身教練狂操 __,細細粒,

【頭條獨家】望抹甩空中瑜珈黑歷史細細粒搵健身教練狂操

呢個「KO8 push up」，已有器材扶助細細粒拉起自己，點知佢個身都係完全冇離開過地。

早前細細粒（小寶）公開自己做空中瑜珈片段，由於太論盡令人睇得太開心太治瘉，引起網民激烈討論。不過，準備踏入新一年，細細粒決心洗底抹甩黑歷史，搵埋健身教練Herman幫手操練，唔再成為大家笑柄。點知教練只安排了兩個熱身和4個基礎教她，結果不單冇一個動作順利完成，仲繼續爆笑連場。睇嚟佢新一年想減肥，真係唔容易喎！撰文：杜淑霞攝影：李維隆場地提供：My Fitness 私人健身教練：Herman@lunl90

最初細細粒相當雄心壯志咁話：「新一年講完就要做，我唔想做運動做到上次咁肉酸，我又要靚又要健康，所以請咗個教練嚟教我做運動。」教練Herman就話：「我預你會做兩個熱身動作，同埋4個好基礎嘅動作，努力呀！」聽到教練講細細粒即時想褪軚，細細聲話：「咁多咩？四加二？」教練再話：「一個鐘做得晒㗎」細細粒再面色一沉：「一個鐘，我嘅地獄課程開始」

做運動掛住食菠蘿油

訓練由兩個熱身動作開始，只係簡單踢腿，細細粒已做得超吃力，做幾吓仲話好攰，要教練扶住手先完成到。彎腰熱身動作一樣唔掂，搞到要爬住嚟做，相當誇張同爆笑。到正式做健身動作「弓步加舉啞鈴」，但由於細細粒踎唔到，教練改為叫佢坐住做，一樣出事起唔到身。之後做「Bosu加開合跳」明明要用手臂力撐起上半身，但細細粒繼續失敗，教練示範正確姿勢時佢仲話：「你嗰啲係肌肉，我嗰啲係肥肉，你用啲肌肉撐得起自己，我用啲肥肉又點撐得起自己呀！」繼續到「炮筒訓練」細細粒叫做到吓，到「KO8

push up」她再同啲健身器材陷於苦戰。

不過最後教練都給了細細粒7分作鼓勵，希望她繼續努力練習。而細細粒就坦承自己唔鍾意做運動，「真係可能第一次，我都想持之而行，一個月後可以似模似樣，起碼做push up可以離地1cm都好開心。（頭先邊個動作最難？）個個都咁難，我真係冇諗過連攞住啞鈴坐喺度起身都起唔到，點解會咁樣㗎？！其實呢，新年唔一定要減肥，增肥都得嘅，嚟緊潮流可能唔興減肥，不如我帶大家去食啲好味嘅菠蘿油，頭先冇力做運動可能未食，下次食埋可能有10分」