周柏豪與老婆Stephanie結婚3年，終於結束二人世界，展開三人新世界的生活。靜雞雞做老竇的柏豪，日前被《蘋果》爆料後，隨即於社交平台上載抱女相，分享做新手爸爸的喜悅。
今日柏豪由港安醫院後門接老婆同囡囡出院，中午約12時半，新手爸爸獨自步出見傳媒。以黑帽、黑衫打扮的柏豪，雙手合十向傳媒打招呼，問他是否已習慣爸爸生活？柏豪則笑笑口未有回應。
至於有否親自為囡囡換尿片？柏豪一面自豪地說：「換咗3次，好成功，舒服嘅。」他表示囡囡仍未改名，要回家再想想：「要問下啲長輩先，乳名都未有呀，都係叫『囡囡』。」
柏豪表示很快復工，笑言要努力賺奶粉錢：「之前成個星期都喺醫院陪佢哋，雖然有sponsor，但係都要賺嘅。佢（老婆）托賴，（身體）好好。」
結束訪問後，向來低調的Stephanie由柏豪媽媽陪同下步出，戴着冷帽及着大褸防止入風，而囡囡用被仔包到實由嫲嫲抱住。柏豪站在七人車旁，待媽媽、老婆及囡囡安頓好，最後再度雙手合十向傳媒說：「辛苦晒。」然後便離去。
採訪：盧妹
攝影：沈健程
|
鍾意就快D Share啦！
|
|
|