李璨琛（Sam）早前完成了創業作電影《大盜演》，日前他和一眾演員姜文杰、樂瞳、潘伯仲、鄺家瑜等，提早舉行聖誕派對，結果阿Sam囡囡Lucy揮低各位哥哥姐姐，搶鏡成功，成為派對中最受歡迎人物。年僅歲半的Lucy早已成為小網紅，爸爸為Lucy安排了一件小紅衣，一班哥哥姐姐爭住抱又要求自拍，之後齊齊唱聖誕歌。眼見Lucy一出場即成為風頭躉，阿Sam笑言：「成立公司之後會簽新人，好開心簽咗年紀最細嘅新人Lucy，佢知爸爸有新戲，重自薦做宣傳。」
阿Sam成立製作公司，並首次擔任監製，今次電影起用了潘伯仲、鄺家瑜等新人，而出道多年的樂瞳笑言：「其實我都係新人，電影界嘅新人，好多謝監製畀呢個機會我，重係演阿Sam分咗居嘅老婆，下次可唔可以再搵我。」阿Sam回應：「好下次你就嚟做奶媽，應該話做保姆。」樂瞳笑謂：「奶媽我都ok，照顧晒大家。」
創業作《大盜演》之後，阿Sam的公司Soul Crew亦有一連串的計劃，他透露稍後會開拍兩部電影，一部是姜文杰策劃的音樂電影，另一部是《香港製造2020》，會嘗試做導演。
|
鍾意就快D Share啦！
|
|
|
