32歲的港姐陳庭欣（Toby）入行多年，近年獲大台力捧做「進擊第三者」，在新劇《多功能老婆》全裸露股邊挑釁大婆千嬅，角色搶鏡，又常做大騷司儀，發展不俗，自去年情傾彩豐行老闆楊振源（Benny），破天荒「放閃」，多次公開晒愛，不時陪伴男友巡視業務。
之不過彩豐行今日在facebook專頁特意出post「割席」，指不再於TVB落廣告，留言：「於去年與TVB簽定了廣告合約，因此我們必須履行合約至2019年12月31日。合約完結後，彩豐行於2020年將會選擇其他平台作宣傳渠道。希望各位可以體諒及理解，多謝各位一直對彩豐行的支持。」更打上tag稱香港品牌、香港製造，獲一眾「反紅媒」的網民表示支持，網民紛紛留言表示擔心陳庭欣會被CCTVB清算，同時多謝TVB戰線手足。
問到Toby可知男友的彩豐行明年不再跟無綫合作，她今日回覆傳媒時說：「今朝睇facebook時睇到呀。我又冇諗會有咩特別影響噃。」網民擔心Toby也受影響？她再說：「應該唔會啦。公司本身有好多不同類型嘅廣告客戶，我相信唔同客戶都會因應自己內部市場推廣策略，而調整落廣告嘅時段同渠道。所以我冇擔心呀。」
查實陳庭欣去年已透露雖然男友未求婚，不過二人已有結婚共識，他們亦互相出席對方的家庭聚會，早已融入家中，仍是TVB藝人的陳庭欣亦支持男友決定。估計方丈應該冇咁小器嘅！？
|
鍾意就快D Share啦！
|
|
|
