掃呢頁CODE去手機

2020年1月20日 星期一

《我和星星有個約會》:多功能老婆出招 楊千嬅教粉絲姊弟戀保鮮法 __,多功能老婆,我和星星有個約會,星星,楊千嬅,

大家快啲去片學嘢!唱得又演得嘅《多功能老婆》楊千嬅踩入《我和星星有個約會》,教粉絲Yumi「姊弟戀」保鮮法!劇中飾演藍飛嘅佢同Oppa周柏豪一段「姊弟 ...




大家快啲去片學嘢!


唱得又演得嘅《多功能老婆》楊千嬅踩入《我和星星有個約會》,教粉絲Yumi「姊弟戀」保鮮法!劇中飾演藍飛嘅佢同Oppa周柏豪一段「姊弟戀」係sweet到漏,現實生活嘅千嬅同樣有個細自己五年老公丁子高,戲裏戲外嘅愛情生活都係咁溫馨甜蜜!今次千嬅帶Yumi入廚傳授整蛋糕冧招術,教佢同老公點樣相處!


整餅爆笑彈


整餅過程中,千嬅似拍緊喜劇咁,發揮大笑姑婆本色,佢大讚在場𥄫實嘅蛋糕師傅:「嘩,師傅,你好定!」師傅即搞笑自爆:「企喺你隔籬好震,有少少手震。」千嬅搞鬼話要行過啲,師傅幫佢執靚個蛋糕,千嬅識做話:「好似賣得。」師傅都賣口乖:「剩係你企隔籬已經賣得。」到佢落手唧忌廉時仲不停講笑,連佢自己都忍唔住笑,究竟佢笑乜呢?


仔仔都入廚


當日千嬅自學整蛋糕,全因為佗B喺屋企好悶,所以就搞呢樣搞嗰樣,連麵包都識整,佢仔仔Torres都遺傳咗媽咪鍾意入廚嘅細胞,佢話Torros細細個就有個小志願,莫非佢想做媽咪爹哋接班人當歌手?還是做演員?即刻click入嚟睇片咪知道囉!


場地:詩餅坊Cake's Secrets
髮型:Vic Kwan@ii Alchemy Hair & Nail
化妝:Ling Chan

來源 source: http://hk.on.cc
鍾意就快D Share啦!