梁詠琪話唔想阿女太鬼妹。
歌手梁詠琪與江海迦（AGA）為ViuTV音樂節目《Chill Club》擔任嘉賓。梁詠琪指香港的音樂節目愈來愈少，覺得要多支持，亦大讚節目製作認真。
梁詠琪最近忙於宣傳新歌《平安夜》，歌曲反應好將會推出新版本，問到梁詠琪有否計劃開騷？她說：「依家有兩隻廣東歌，預計會做十隻廣東歌，嚟緊忙錄音，做廣東歌係好開心。」問到女兒是否識得唱她的新歌？她笑：「佢識唱，因為要喺屋企練歌所以成日播，佢依家已經唔係聽兒歌，係聽一啲少女嘅英文歌，仲同我爭住播歌。自己都有播吓以前嘅作品好似《短髮》等佢學吓普通話。」
梁詠琪透露新年將會放假休息，希望趁新年向女兒灌輸傳統知識，她說：「佢依家大個啲，會教吓佢拜年、斟茶畀父母，因為孝道呢樣嘢喺西方思想嚟講冇咁強烈，希望佢唔好咁鬼妹啦，佢都算聽教聽話嘅。」
來源 source: http://hk.on.cc
|
鍾意就快D Share啦！
|
|
|