網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2020年1月29日 星期三

蔡少芬:唔肯契蔡少芬個仔 陳法蓉:契嚟分身家呀? __,蔡少芬,陳法蓉,

蔡少芬同陳法蓉齊齊煮賀年菜。踏入新春佳節,蔡少芬(Ada)與陳法蓉(Monica)搞搞新意思,齊齊煮兩道賀年菜「萬事如意五福袋」、「招菜進寶黃金蝦」, ...




蔡少芬同陳法蓉齊齊煮賀年菜。


踏入新春佳節,蔡少芬(Ada)與陳法蓉(Monica)搞搞新意思,齊齊煮兩道賀年菜「萬事如意五福袋」、「招菜進寶黃金蝦」,跟各位拜年!兩位相識逾20載的好閨蜜,難得首次共同下廚,即「針鋒相對」笑料百出,當中Ada更大爆Monica大派「檸檬」拒絕跟她兒子張樂兒上契。


美貌與廚藝並重


Ada與Monica廚藝有板有眼,無論洗丶切、煎、炒皆無所不曉,絕對是「美貌與廚藝並重」,當中自誇「煮咩都OK」的Ada透露閒時經常入廚,連囡囡返學的飯盒、點心均由她一手準備,但自從兒子出世後,忙於照顧兒子,才疏於入廚。Ada又向Monica「笠高帽」表示:「其實我哋兩個煮嘢都叻,叻喺唔同範疇,Monica蒸嘢好叻!」


關係咁好唔使契


在烹調過程中,Ada大爆秘密:「我本身打算契個仔畀Monica,等佢有條仔,而且仲要係靚仔添!點知佢唔肯,我老公都叫我唔好迫佢。」Monica反擊說:「點解要契呀?分身家畀你個仔呀?我有好多朋友都有小朋友,好難個個契,而且我又好鍾意你細女,唔通女我就唔契,仔就契咩?既然我同你關係咁好,唔使契」


獲港姐冠軍讚靚勁開心


兩人亦有溫馨時刻,Ada透露當年參選港姐時,曾在髪型屋撞見Monica,這是她們第一次遇見,Ada說:「當時陳法蓉已經係港姐冠軍、雍容華貴嘅大明星,而我只係其中一位參選佳麗,點知轉頭有個髮型師走埋嚟同我講『有人讚你靚喎!陳法蓉讚你!』我開心到幾晚瞓唔着。」


粉絲曾網上互鬧


提到她們第一次合作出埠到台灣,在Monica眼中,Ada是不停做運動,就算得幾級樓梯,她都刻意行上行落,而Ada眼中的Monica,是個很懂照顧人的女仔,Ada說:「佢全程幫我翻譯國語,我心諗『點解會有一個心哋咁好,又咁靚嘅女仔』。」Ada與Monica又憶述03年合作大陸劇《水月洞天》,當時大家的粉絲在網上互鬧,Monica指:「我啲粉絲鬧Ada做『冇飯食嘅排骨』,而佢啲粉絲鬧我做『匿喺濛鏡後嘅老妖怪』,之後我哋拖住手同啲粉絲講,其實我哋真係Friend,跟住先再冇互罵。」

來源 source: http://hk.on.cc
鍾意就快D Share啦!