頭炮就是「波波姐」莊端兒，她自爆新年後工作即受疫情影響，全部被叫停，過去半個月一直顛倒休息時間，她沉迷打機，還喪吃零食，這些惡習不但無助防疫，還減低身體抵抗力。莊端兒直認避疫後變懶，腹部人魚線頓時消失，變得周身豬腩肉，長期打機又頸梗膊痛，令她十分苦惱。健身達人陳偉成（Avis）即上門，針對莊端兒的弊病，教她5式健身法，就地取材礦泉水樽取代啞鈴輕鬆做gym消脂，以及用毛巾拉筋。
莊端兒避疫變「宅女」，「我冇出街，長期留喺屋企，要保持自己身體健康，以免增加前線人員負擔，亦避免去傳染到其他人。工作同登台都停晒，留喺屋企就食玩瞓，打機時間最長，我而家生理時鐘已變咗歐洲時間，試過瞓到下晝4、5點，朝早6、7點先瞓，瞓醒又食嘢，跟住又冇做運動，好懶呀。」莊端兒跟Avis做完一個多小時運動即大叫「好爽」，問到她可會持之以恆？ 她即說：「我唔敢擔保，但我做咗一陣，真係覺得肌肉結實咗，佢又叮囑我一定要多拉筋，可改善以往唔啱嘅姿勢。」
莊端兒先做熱身運動，才示範5式家居健身操：
第一式 俯身側平舉
雙手拿着水樽（女生可以拎細樽水），擘開雙腳站立，挺胸收腹向前彎身，腰和腳成90度角，慢慢張開雙手提到水平線，再慢慢放下，每個動作維持約4秒，開合為之一個完整動作，每組做12到15下，可以做4組。做這個動作要注意眼向下望，若頭抬太高容易扯傷頸部。
第二式 水樽單手划船
先選擇一張平穩的凳，側站凳邊，右手拎水樽，左手攤大按着凳面中間，右手提高做划船動作，上到盡頭就停約兩秒，然後慢慢自然垂放原位。做完左手再做右手，每組做10下，可以做4組。這動作可以增加背脊肌肉量，改善腰痠背痛和寒背。
第三式 深蹲
鬆一鬆肩膊，讓雙腳跟肩膊保持同樣闊度，慢慢做出坐下的深蹲動作，如同坐無影凳，但蹲下時盡坐後一點，慢上慢落；注意蹲下時膝蓋不要超越腳趾尖，每組做12到15下，可以做3至4組。勤做這動作可練出蜜桃臀。
第四式 弓箭步
雙手合十，一腳向前跨一步（跨步距離前腳90度、後腳90度）然後下蹲，將重心放在身體及後腳，上身要保持中立，但後腳盡量可以第一點輕輕碰到地上都可以，前腳回來的時候盡量用力向後發力交替位置，同樣每組做12到15下，可以做3至4組。
第五式 直立向上伸展
雙手拉着毛巾兩頭，舉高雙手向上推，這是一個拉筋動作，建議每日可以做6至8下，可以做兩次，背部要有拉扯感覺。這動作可以改善寒背，變相有增高效果。
撰文：比華利
攝影：陳慧安
攝錄：沈健程
-----------------------------
第三屆最港電影大獎
按此立即投票
-----------------------------
《果GYM》隨身播 健身壹App過！
一按即玩
來源 source: http://hk.entertainment.appledaily.com
|
鍾意就快D Share啦！
|
|
|