戴祖儀（左）話汪明荃間大屋絕對係佢工作動力！
藝人汪明荃（阿姐）、戴祖儀、何浩文和楊潮凱等，日前為新一輯《娛樂大家》錄影。戴祖儀透露年初一獲邀到阿姐家中拜年，更有機會品嘗到對方的「愛心美食」：「阿姐仲親自帶我去參觀佢間靚屋，有無敵海景，絕對係我工作動力，第時即使買唔到咁大間屋，都希望買到呢個靚景吖！」
楊潮凱則透露囡囡於新年前後患上甲型流感，最終服用特敏福才痊愈，所以未有四出拜年。何浩文更加「慘情」：「本來要返內地開工，依家所有內地嘅拍攝叫停，我惟有匿喺屋企做宅男！」
至於阿姐則透露日前為八和會館召開緊急會議：「因為一個月之內已經取消咗過百場粵劇演出，業內好多朋友手停口停，所以要商討對策。（趕到搭港鐵？）其實平時我都經常搭，冇人理嘅。」
來源 source: http://hk.on.cc
|
鍾意就快D Share啦！
|
|
|
