掃呢頁CODE去手機

2020年3月13日 星期五

【頭條獨家】楊怡就生 拍劇變緊張大師 羅仲謙為保老婆隨時租酒店住 #楊怡 #羅仲謙

謙謙為怕喉嚨乾容易咳,所以暖水壺不離身,可隨時濕潤吓喉嚨。另謙謙自備私家餐具食劇組飯盒時偷飲凍嘢,凍飲係難戒啲嘅。
【頭條獨家】楊怡就生拍劇變緊張大師羅仲謙為保老婆隨時租酒店住謙謙為怕喉嚨乾容易咳,所以暖水壺不離身,可隨時濕潤吓喉嚨。另謙謙自備私家餐具食劇組飯盒時偷 ...




楊怡就生拍劇變緊張大師羅仲謙為保老婆隨時租酒店住謙謙為怕喉嚨乾容易咳,所以暖水壺不離身,可隨時濕潤吓喉嚨。另謙謙自備私家餐具食劇組飯盒時偷 ...




【頭條獨家】楊怡就生 拍劇變緊張大師 羅仲謙為保老婆隨時租酒店住



謙謙為怕喉嚨乾容易咳,所以暖水壺不離身,可隨時濕潤吓喉嚨。另謙謙自備私家餐具食劇組飯盒時偷飲凍嘢,凍飲係難戒啲嘅。

上月中,40歲嘅楊怡喺社交網貼出超聲波照公佈懷孕,預產為今年5月。老婆粗身大細,喺疫情肆虐下開工拍劇嘅準老竇羅仲謙坦承壓力好大,驚青到變咗緊張大師,要女助手帶齊抗疫裝備、私家碗筷、暖水壺「侍候」,謙謙自爆亦有緊急方案,有乜頭暈身㷫會分房瞓,甚至另租酒店,楊怡仲有兩個月生得,當然唔可以掉以輕心。採訪:方騫平 攝影:李維隆

開工前,劇組先為演員量體溫,無問題先可以正式拍攝。
開工前,劇組先為演員量體溫,無問題先可以正式拍攝。
劇中,鄧佩儀同謙謙揼骨又要用手篤佢額頭。

劇中,鄧佩儀同謙謙揼骨又要用手篤佢額頭。

楊怡同羅仲謙恨咗4年終於傳喜訊,亦係後者家中第一個孫輩出生,BB集萬千寵愛,兩家人都相當緊張,但為咗搵奶粉錢,謙謙都要喺疫情下拍TVB新劇《陀槍師姐2020》。上周六晚,謙謙和鄧佩儀等去咗土瓜灣某餐廳拍外景,十幾個劇組人員焗喺一間得幾百呎,密不透風嘅冰室入面,演員坐喺相距唔夠一米距離下講對白,劇情仲要講鄧佩儀幫他按肩頸,又餵他食魚旦,用手推他額頭,有咁多身體接觸,好大播毒風險喎!

開工壓力好大

當晚,羅仲謙有女助手「侍候」,隨時奉上酒精搓手液、消毒濕紙巾及口罩等,仲不時遞上暖水壺,等謙謙濕潤吓喉嚨。謙謙解釋:「就嚟做爸爸實驚㗎,因為𠵱家成日出嚟開工,拍劇時唔可以戴口罩,所以每次返屋企入門口前都自我消毒,一入屋就除衫沖涼同洗衫,同埋食多啲保健嘢,增強抵抗力,仲自備埋私家碗筷,遠離大隊開餐,寧可食劇組飯盒都好過喺餐廳食飯。」他更自爆戒埋凍飲,怕會刺激到喉嚨唔舒服,飲暖水就可以保持濕潤,不過,卻被記者發現他有偷飲凍嘢,他說:「就算只係傷風感冒都好驚,有陣時瞓醒覺喉嚨乾乾哋,心諗:『大鑊喇!』即時飲返啲暖水先,好彩只係自己嚇自己,真係會驚,好大壓力。」

劇情中,鄧佩儀要餵謙謙食魚蛋,好近距離接觸!

劇情中,鄧佩儀要餵謙謙食魚蛋,好近距離接觸!
謙謙助手帶住酒精搓手液,另腰Bag內有消毒濕紙巾,方便謙謙隨時消毒雙手。

謙謙助手帶住酒精搓手液,另腰Bag內有消毒濕紙巾,方便謙謙隨時消毒雙手。

口快洩密生女

變緊張大師的謙謙補充,「自己一個人就話啫,𠵱家唔得嘛,最驚係返唔到屋企,所以我同阿怡傾埋應變措施,如果有幾聲咳會分房瞓,亦諗定會喺將軍澳租酒店住,我𠵱家連做健身都戴住口罩,始終要同屋企人負責任,做嘢同屋企要取得平衡,𠵱家一定係屋企行先,好彩呢套劇冇咀戲,阿怡反而擔心我拍打鬥戲,有啲場口要打到瞓晒落地,今時唔同往日,拍唔到就搵替身。」謙謙仲話開始做緊胎教,會用溫柔語氣同BB傾偈:「我會問吓BB:『今日食咗乜呀?』同佢講吓《三隻小豬》故事,仲聽吓兒歌。佢係我爸爸嗰邊第一個孫輩,BB會由長輩改名。」羅仲謙作為家中長男,問到BB係咪長子嫡孫?他口快快洩密:「又唔係,即係點講呢?係第一個孫輩…(唔係長子嫡孫,咁即係孫女?)我諗緊我係咪長子啫,因為我屋企多人。」原本謙謙想親自剪臍帶,但受疫情影響,暫時冇得進入產房。

老婆骨痛扭計

講到楊怡狀況,謙謙表示太太陀B過程都OK,冇乜唔舒服,只係變得好大食。「夜晚返到屋企仲要煮宵夜佢食,費事佢行嚟行去。因為大肚婆要打側瞓,佢成日瞓得唔太好,會腰酸骨痛,唯有幫佢按頸、按腳鬆骨。」對於同鄧佩儀近距離拍劇,謙謙話講個信字:「我相信佢,佢相信我,做好本份囉。而且開工前先探熱量體溫,公司安全意識都提高咗。」鄧佩儀附和:「公司啲道具用漂白水抹過,連碗魚蛋粉都經過高溫煮熟,我要令拍擋安心,保持個人衛生。」

上月中,楊怡於社交網貼出超聲波照宣佈懷孕,預產期5月。

上月中,楊怡於社交網貼出超聲波照宣佈懷孕,預產期5月。
兩公婆恨生B恨到流晒口水,追足4年先成功。

兩公婆恨生B恨到流晒口水,追足4年先成功。

鍾意就快D Share啦!