小儀話同無綫和平分手。
電台DJ阮小儀過往和無綫是每年續簽，一年六個騷，早前完約後，亦有傾續約問題，可是最終決定不再繼續合作，有傳跟「未來發展方向」不同及可能跟她去年8月響應罷工有關。
小儀接受訪問時，坦言與無綫和平分手，並否認受打壓，她說：「電台高層同我研究過，希望之後嘗試一啲新方向發展，如可能同唔同嘅電視台合作，所以就同無綫冇再續約，都有同TVB嗰邊講番我意向，無綫都接受。（可因政見及罷工傳聞有關？）唔關事，如果關事，都唔會搵我傾約啦，等合約自己完結同埋傾續約時都有話加我人工，但價錢唔算好勁。（可有不捨TVB？）又冇特別唔捨得，因為電台先係我親生阿媽，TVB係我契媽。」不過如將來無綫節目或劇集需要她，她亦無任歡迎。
小儀參與過不少大熱劇集，包括《男親女愛》、《衝上雲霄II》、《老表，你好hea！》、《降魔的》及未播映《降魔的2.0》等。與森美曾主持超過10年的綜藝節目《千奇百趣》，另外和金剛主持的《街坊廚神》都頗受觀眾歡迎。
來源 source: http://hk.on.cc
|
鍾意就快D Share啦！
|
|
|
