2020年3月4日星期三

【奧斯卡班底】機械家務助理叛變《一家斷線救地球》玩親情救世 #奧斯卡

【奧斯卡班底】機械家務助理叛變《一家斷線救地球》玩親情救世

介紹返，Katie Mitchell一家，包括爸爸阿Rick，媽媽Linda、細佬Aaron及肥仔八哥Monchi。

由奧斯卡最佳動畫《蜘蛛俠：跳入蜘蛛宇宙》及《鬼靈精怪大酒店》系列創作班底製作，金像級監製菲力羅德(Phil Lord)、基斯杜化米勒(Christopher Miller)再度聯手推出的原創動畫《一家斷線救地球》(Connected)將會於9月上映。

故事講述準電影系大學生Katie Mitchell一心打算衝出屋企，迎接大學多姿多采的生活。但自細同Katie好Friend的爸爸Rick擔心日日機不離手的囡囡離家後會漸行漸遠，決定取消囡囡機票改為全家公路旅行送她上大學。正能量爆燈的媽媽Linda、怪雞細佬Aaron及肥仔狗八哥Monchi齊齊出發，但估唔到撞啱最新推出市面的高科技機械家務助理竟然智能叛變，仲連同其他家庭電器反轉世界，江湖從此多事，但今次超級英雄唔會出動，拯救人類全靠Mitchell一家。