2020年3月22日星期日

【頭條獨家】直擊曼谷封城狀況胡慧冲：今日真係絕對空虛

Big C前面天橋望落去嘅䌓忙街道今日冇晒車龍。

新冠肺炎全球大流行，香港人旅遊熱點泰國疫情近日急劇惡化。因此泰國政府宣布，今日起關閉埋泰國首都曼谷的購物商場，暫定為期22日，直到4月12日。喺全城戲院、商場、按摩店都要關閉的首日，居泰港人胡慧冲(Roger)就幫TVB娛樂新聞台擔任駐當地的「特約記者」報導曼谷最新狀況，他直擊說：「Big C前面天橋望落去，平時車水馬龍冇晒；星期日嘅JJ Market本來人山人海，但今時今日被迫落閘；BTS月台都冇乜人，今日真係絕對空虛。𠵱家泰國人都驚，街上差唔多個個都有戴口罩，幸而政府有口罩優惠，持泰國身份證只係用十泰銖可買到四個。原先4月13至5號係潑水節亦延期到7月。」

Roger本身要幫J2台拍第六輯的《冲遊泰國》，因為疫情問題要押後：「除咗心情受到影響外，為己為人唔好周圍去，而且途人都戴住口罩唔方便拍嘢。不過，我就幫TVB娛樂新聞台拍《疫情下的冲遊泰國》，報導居泰港人喺封城下嘅每一天，他表示，還幸餐廳可以買外賣，超市同便利店都有營業，就算日用品有搶購潮，廁紙等好快補到貨，而且當地有好多速遞送餐服務，喺疫情下日常生活都冇乜問題，Roger趁空檔整理返十年前嘅《潮遊泰國》舊相片嚟做個集體回憶，反應唔錯，最有趣係法國餐廳名廚及昔日喺泰國投資餐廳嘅港人老闆透過社交網同他相認，係意相想不到嘅收獲。