2020年3月31日 星期二

王浩信:王浩信地獄式脫水 乾到隻眼出事? #王浩信

王浩信裸出事?無綫劇集《踩過界II》主演演員「盲俠」王浩信,日前於將軍澳一間酒店拍攝一場重頭戲,與劇中師傅秦沛展開第一場對壘:「喺法律上嘅一啲Term ...




王浩信裸出事?


無綫劇集《踩過界II》主演演員「盲俠」王浩信,日前於將軍澳一間酒店拍攝一場重頭戲,與劇中師傅秦沛展開第一場對壘:「喺法律上嘅一啲Terms有拗撬。(拍晒法庭戲難你唔到?)係有慢慢熟習,好似變咗另一門語言咁,開始有啲順。(有潛質做律師?)唔敢當!知得呢行愈多,愈Feel到有難度,我都係專心做番演員,拍戲過吓癮,感覺吓律師伸張正義嘅感覺。」


王浩信表示好榮幸第二次跟秦沛合作,獲益良多:「之前喺電影做佢個仔,今次就做徒弟,戲份都多啲,佢好照顧我哋,又令現場氣氛好好。」不過令他最難忘莫過於是多場脫衣戲份,為Keep住最Fit狀態,王浩信進行地獄式脫水,大呻好辛苦,更有「副作用」:「入行以嚟嘅新挑戰,依家戴住黑超除咗係劇情需要之外,隻眼有敏感,唔知關唔關脫水事,但為咗抽乾個身少飲水,個人乾咗、油份低,皮膚一時適應唔到,拍法庭戲好多對白,其實個口好乾。」續預告下一套劇都要繼續騷肌,不能鬆懈:「要Keep住個身形,依家都係食沙律,但係好有趣,見證個身形不斷進步。(驚框死每套劇都要脫?)冇諗咁多,每次都好辛苦、每次都想畀最好嘅嘢畀觀眾,做番啱角色嘅事,唔會刻意。」


同日王浩信入行15周年,不少Fans為他製作相片、影片慶祝,令他大為感動:「好多謝Fans記住我呢個人喺呢行15年,睇番啲相見以前嘅自己好細個,仲有份稚氣,好開心仲可以喺呢行做自己鍾意嘅事,有所貢獻,會繼續抱住感恩、熱誠嘅心做事。(會點同Fans慶祝?)疫情關係都唔會有咩活動住,可能會拍番啲片、同佢哋FaceTime答謝。」



來源 source: http://hk.on.cc
鍾意就快D Share啦!