【無晒神】手痕捽眼致生瘡蔡思貝無化眼妝開工蔡思貝無化眼妝，雙眼即刻無咁精靈。蔡思貝同王浩信等人到上水拍攝《踩過界II》外景，見到思貝左眼冇化眼妝，仲有 ...
蔡思貝同王浩信等人到上水拍攝《踩過界II》外景，見到思貝左眼冇化眼妝，仲有啲眼腫腫，她透露日前做了割除眼瘡的小手術。
蔡思貝因為手多捽眼搞到生眼瘡。思貝表示個多禮拜前於錄影廠拍攝喊戲，當日大意用手捽眼後，由眼部不適發展到生眼瘡。她說：「我唔敢化眼妝，想畀佢唞多一兩日，拍嘅時候盡量就位。」她提到醫生指生眼瘡部份原因是壓力及疲勞所致。談到現正拍劇會否難以有足夠休息，他說：「都OK，公司好好，而家都係拍外景，每日都係拍一組。之前一返到屋企就瞓覺或者睇劇本，反而想抽時間做運動。」
