【酒吧員工確診】憂傳染妻女一家急檢驗 趙勁皓病毒測試呈陰性
「酒吧群組」確診個案激增，趙勁皓（King）在尖沙咀諾士佛臺開設的酒吧，周日晚（29日）亦於fb專頁發佈嚴正聲明，指一名兼職員工於本月25日岀現發燒症狀，經病毒測試後，上周六（28日）深夜證實確診新冠肺炎。據悉，King得知旗下員工懷疑中招，已即時為酒吧進行霧化消毒，並下令所有員工進行病毒測試，費用由公司一力承擔。
為免成為「隱形播毒者」，昨晨（30日）King即帶同太太盧頌之（DaDa）及囡囡到私家醫院進行病毒測試，King表示：「嗰位員工最後上班日期係上周一（23日），之後冇再返過酒吧，佢習慣收工會去另一間酒吧玩，同行嘅同事都已經做咗測試同入咗隔離營。我自己就較少接觸呢位員工，不過自己都有擔心，最擔心係傳畀老婆同囡囡，暫時我同其他員工都冇病徴。」幸午後已收到報告，父女均呈陰性，令他也鬆一口氣，而目前全家正進行家居隔離中。
由於政府推出多項限制措施，經營兩間餐廳、酒吧及健身室的King預計14日內損失約100萬。日前，其健身室fb專頁也出Po爆粗鬧政府唔封關：「隔離人士可以周圍走，派追踨手帶可以唔開機，林鄭要求非必要唔使帶口罩，往返香港自行隔離，一早唔X處理，而家爆大鑊就走岀嚟話唔應該咁唔應該咁，要實施管制及修例……」昨晨DaDa也於社交網留言：「全球突破72萬宗，湖北繼續飛，決心全世界攬抄！」問到是否認為政府防疫措施做得不足，導致疫情在港大爆發？King說：「主要係政府不停輸入回流人士，唔封死關，確診人士超過七成都係回流人士，防疫工作做得幾好都無用，香港人已經好守紀律，餐廳酒吧嘅防疫措施同要我哋停業無分別，所以我哋所有生意，包括餐廳、酒吧、健身房都已經拉閘無開門。」
來源 source: http://hd.stheadline.com
|
鍾意就快D Share啦！
|
|
|
