掃呢頁CODE去手機

2020年3月29日 星期日

【沙灘抗疫】Rosemary兩歲仔摸完鞋又玩泥沙 未清潔徒手進食 #Rosemary

武漢肺炎肆虐,市民都怕外出人多擠迫,但行山、郊遊又一窩蜂湧過去。咁多人,真係呼吸到新鮮空氣?不如學學Rosemary一家,唔上山,下海都ok。Rose ...






武漢肺炎肆虐,市民都怕外出人多擠迫,但行山、郊遊又一窩蜂湧過去。咁多人,真係呼吸到新鮮空氣?不如學學Rosemary一家,唔上山,下海都ok。

Rosemary喜歡戶外活動,更是瑜珈高手,當年大肚都要玩倒立,好勁!個仔出世後,據聞幾個月大已經返Baby gym,好活潑。所以,疫情絕對困唔住佢哋一家,而Rosemary相當明智,與印度籍老公帶同不足兩歲的兒子Hendrix去沙灘,勝在環境空曠人又少,唔戴口罩都覺得可以接受,無咁危險。

不過,小朋友食嘢前一定要清潔雙手先,Rosemary用疑似搓手液之類的東東,噴落囝囝雙手,然後先俾佢拎零食。之但係大家都知,小朋友咩都唔識,教佢講衛生真係好難,話口未完囝囝就烏低身摸鞋鞋。原來,佢鞋仔入咗沙沙唔舒服,媽媽即刻幫佢除鞋鞋同襪襪。舒服晒,即刻紮紮跳又踎低玩泥沙,然後就咁拎嘢食,手指都擺埋入口。對住小朋友真係唔可以大意,小心病從口入呀!

咦,一家三口嚟放電,爸爸呢?專登行埋一二邊覆電話,有啲古惑咁喎。之後佢全心全意陪個仔,又追逐、又伏匿匿、又騎膊馬,直到阿媽Rosemary揮手嗌走人。

Rosemary一家移師公園仔,見到朋友打招呼,繼續係親親臉頰嘅方式,如果對方有咩事,感染機會好大。

阿仔未玩夠,坐上氹氹轉要媽媽推,點知……Rosemary出盡吃奶的力都推唔郁,三個大人合力都係勉強轉到兩圈,乜依家啲設施咁鬼流。

臨走前,幫小朋友清潔埋對手先。

攝錄:陳亦龍



----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

立即睇

-----------------------------

【壹週刊直播平台 ChannelNEXT】

專家教你自保攻略|口罩點揀|防疫點做

立即睇

-----------------------------

疫情追蹤,最新消息,Follow 壹週刊Telegram:

點擊追蹤


鍾意就快D Share啦!