So Sweet！
藝人胡諾言與太太陳琪向來係圈中嘅模範夫妻，二人結婚11年育有兩女一子，至今依然恩愛如初！尋日係佢哋結婚11周年紀念日，當然要好好慶祝一番啦，兩公婆撇甩仔女撐枱腳，胡仔喺社交網冧爆留言：「呢位小姐跟咗我十幾年喇！老婆，I love you！祝你身體健康，粗重嘢我做曬（晒），多謝妳給我一個溫暖的家。」
而陳琪亦有開live同粉絲分享呢個咁溫馨嘅時光，見現場除咗有蛋糕，仲有樂手即場彈奏冧歌助興，相當浪漫！陳琪又指11年前結婚當日同樣係星期一，故感覺非常奇妙，並多謝粉絲朋友多年來一直陪住佢哋成長。
佢仲上載婚照，留言：「我係一個好傳統嘅女生，所以結婚嘅時候，我特別講明一定要著（着）裙褂！其實真係好靚㗎！！著（着）住裙褂我會覺得特別幸福……好好記住每一刻！」
來源 source: http://hk.on.cc
|
鍾意就快D Share啦！
|
|
|
