- 【被余詠珊睇中做主持】朱智賢IG自爆胞兄有情緒病 遭家暴嘴角被打瘀
- 13分鐘前
被稱新一代零死角女神的大台藝員朱智賢（Ashley），昨日與人夫黎振燁（Jackson）山邊車廂歎蛋糕斷正，被記者撞破後，二人神色慌張，仲俾記者問到口啞啞，Ashley亦語無倫次說：「如果唔係喺嗰度食蛋糕，就唔會俾你哋影到」，回應傳媒時更將男友謝東閔稱為「好朋友」，加上男主角黎振燁老婆正懷胎八月，偷食事件令全城嘩然。
現年33歲，上緊位嘅Ashley，曾12及13年兩度參選港姐，雖然兩度均落選，但就被綜藝科總監余詠珊睇中，認為Ashley夠靚女，安排擔任主持工作，16年Ashley加入《東張西望》，保持曝光率，其後為其他節目拍宣傳片時，被網民讃有女神feel，開始受到關注。 17年近三張的Ashley才開始被力捧。同年，Ashley被指搭上《超級巨聲》出身兼家底不俗的謝東閔，雖然Ashley未有親口承認戀情，不過二人經常出雙入對，又齊齊接騷搵真銀，已算是半公開關係。不過就在她漸露頭角之際，Ashley早兩年就爆出遭受家暴。原來，Ashley阿哥患有情緒病問題，過去兩兄妹不時大打出手，Ashley更在IG上載疑似嘴角被打瘀的相片，並留言「我真係好傷心有個咁嘅阿哥」，亦有指Ashley手臂上有𠝹手疤痕，未知是否受家暴影響。 而人夫黎振燁Jackson，現年34歲，09年已經加入TVB，12年轉投香港電視，拍過《警界線》、《大眾情性》及《我阿媽係黑玫瑰》，之後港視不獲發牌，黎振燁為重返大台，16年參選港男，並以大熱姿態奪冠，總決賽當晚老婆亦到場打氣，贏得冠軍後更即場咀嘴，人夫身份不避忌，一副愛家室姿態，形象入屋。入行多年，一直浮沉，他曾公開感激老婆無嫌棄伴侶一事冇成，反而不離不棄，近日老婆更懷孕八個月，黎振燁是準爸爸。 過去在大台只是三、四線閒角，直至近期《機場特警》中飾演姜昊正一角，日日騷肌，開始令觀眾注意，可惜事業剛見曙光，就爆出山邊同Ashley偷食（蛋糕）事件，一個忘本的男人，隨時令剛起步的事業化為烏有。 ----------------------------
APP 內 1-Click 訂閱
按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|
