掃呢頁CODE去手機

2020年4月8日 星期三

【獨家】馮盈盈宣佈分手3個月 前男友帶激凸新歡睇日落 #馮盈盈

馮盈盈去年12月宣佈與十優醫生男友Martin鍾文浩(暱稱寶寶)分手,但今年情人節前夕又與對方約會,雖然枱上只有兩份晚餐,但盈盈仍堅稱爸爸只是「遲到」 ...






馮盈盈去年12月宣佈與十優醫生男友Martin鍾文浩(暱稱寶寶)分手,但今年情人節前夕又與對方約會,雖然枱上只有兩份晚餐,但盈盈仍堅稱爸爸只是「遲到」,二人未有復合。

日前《蘋果》讀者周小姐透過「爆相爆片」分享,在元朗流浮山的下白泥見到盈盈的前男友和一名長髮女子一齊睇日落,非常浪漫,疑極速戀上新歡。當日下午五時半,周小姐在下白泥見到Martin揸車載住一名長髮女,她說:「嗰段時間嚟都係睇日落,見佢哋落車時都有拖手,個女仔又有蹺實男仔手臂,似係男女朋友關係。但馮盈盈個ex比較避忌,最初係戴住口罩,反而女仔就全程冇戴口罩,但就拎住個名牌手袋。」

Martin一身輕便裝束,外加一件牛仔恤衫,長髮女則穿上一件緊貼的一字膊露肩裝,盡現玲瓏浮凸身材。二人拿着手機互拍,影合照時,Martin都有除掉口罩,周小姐說:「見佢哋都有搭膊頭影合照,又有踎低身摸泥,睇吓啲蟹仔,但之後就冇消毒,防疫意識似乎唔係好足夠。」二人逗留大約半小時,睇埋日落便揸車離開,Martin發現有人影相,亦有報以微笑。

馮盈盈一直視Martin為結婚對象,報名參選港姐時二人已經拍拖,當選後亦跟其他冠軍級港姐不一樣,經常將男友掛在口邊,去年更自爆貼出部份首期助男友完成置業夢,層樓自己沒有落名,確實是絕頂好女友。可惜二人同居後卻發現「相見好同住難」,去年12月含淚宣佈分手,並將愛巢放租,結束4年情。

-----------------------------

【武漢肺炎】專頁

全民自救 抗疫資訊盡在《蘋果》

(圖片由讀者提供)


Martin與盈盈分手數月,已極速戀上新歡。(圖片由讀者提供)


Martin帶新歡去下白泥睇日落,好識冧女仔。(圖片由讀者提供)


新歡身材玲瓏浮凸,穿緊身衫盡現美好身材。(圖片由讀者提供)


知道被影相,Martin仍笑笑口。(圖片由讀者提供)


盈盈一直視Martin為結婚對象 (IG圖片)


Martin曾穿同一件牛仔衫,孖盈盈約好友麥明詩食飯。(IG圖片)


今年情人節前夕,二人到極有情調的餐廳食飯約會。(資料圖片)


(IG圖片)


盈盈提起與寶寶分手,即哭成淚人。 (資料圖片)



鍾意就快D Share啦!