師姐袁詠儀嘆遺憾
港姐破天荒停辦一年，歷屆不少港姐都大感愕然，1990年港姐冠軍袁詠儀表示：「好遺憾，但冇辦法，抗疫係大前提，今年港姐冠軍辛苦少少，做多一年，孭起宣傳香港責任。希望疫情快啲過去，大家過番正常生活，同埋可以延續港姐精神。」2010年港姐冠軍陳庭欣則認為停辦不可惜：「又唔係以後唔辦，依家全世界做緊同一樣嘢（抗疫），大型賽事全部停晒，連英國老牌百貨公司都暫停營業，所以避免唔到。」又指雖然今屆港姐任期較長，但不擔心師妹工作因此減少：「佢哋一樣可以拍劇同做唔同嘅主持，我覺得一啲壞影響都冇。」又表示受疫情影響，今年未接過晚宴主持工作，幸而平時有儲蓄習慣。
翁嘉穗讚處理恰當
第一屆香港小姐冠軍孫泳恩得知港姐今年停辦亦大嘆可惜，但認為無可奈何：「始終保護生命比選港姐重要，停辦都應該。如果夾硬搞，觀眾都冇心情睇，無綫喺咁嘅時勢舉辦亦會被批評唔注重安全。」至於1997年港姐冠軍翁嘉穗是慧妍雅集會長，對於港姐舉辦以來首次停辦，她說：「聽到好愕然，始終疫情好犀利，選美聚集好多人，為安全着想，取消都適合，連奧運都唔搞，希望疫情過咗再辦番。」她又憶述當年去北京拍外景要作古裝扮相，所以凌晨兩時就開始捱眼瞓化妝，豈料因參與拍攝的嘉賓張衞健與無綫有合約問題，令該部分無法播出，令她很失望。
來源 source: http://orientaldaily.on.cc
|
鍾意就快D Share啦！
|
|
|
