今年7月踏入花甲之年的戴志偉，日前被爆背妻偷食，與同公司的女下屬Candy發展婚外情！《蘋果》收到Candy舊同學鍾小姐爆料，指Candy在中學時已出名多男朋友，經常換畫，Candy還有一個不為人知的秘密，傳她在年少時已未婚懷孕並誕下一子，現時兒子已經成年。
鍾小姐透露自己是Candy的中學同學，她指Candy中文名叫張素盈，今年約35歲，曾就讀伊斯蘭脫維善紀念中學。鍾小姐指Candy在中學時已拍拖，觀音兵車輪轉。她說：「Candy讀中學時住天后，以我所知，佢係喺單親家庭長大嘅，由爸爸照顧，佢係家中獨女，入學嗰陣已經曳曳哋，食煙、講粗口，又成日化濃妝返學，成日群埋啲男仔玩，私生活好亂，記憶之中，佢仲有個金毛男友，經常接佢放學，不過Candy未讀完中一就已經輟學。」
據鍾小姐爆料，有傳Candy在年少時未婚懷孕，誕下一子，現時兒子已經成年。鍾小姐說：「Candy當時同金毛男友生咗個仔，之後個仔畀咗爸爸嗰邊湊。而家小朋友已經好大個。生完仔之後，Candy啲男友繼續不停轉，又試過一腳踏幾船，我有個朋友，本身冇嫌Candy生過BB同佢喺埋一齊，點知朋友有日撞到對方喺街拖實第二個。其實Candy未入保險公司前，做過化妝妹，估唔到人大咗，佢到而家啲男女關係都依然搞到咁亂。」鍾小姐又指中學時代的Candy，面圓圓鼻扁扁，和現時的蝦餃下巴大不同。
而《蘋果》另一位讀者亦透露，指戴志偉和Candy最初搭上，在所屬的保險公司返工時，為免同事識破，很少接觸和來往，加上Candy本身在公司中，正職是秘書身份，只是早前考獲保險牌，才兼職做保險經紀，因此和戴志偉在公司的交集時候不多，所以偷食事件出街前，公司內並無同事估到二人正在交往中。
戴志偉本身和老婆育有兩子，均已大學畢業，原本無風無浪絕對可以安享晚年，可是，日前他和Candy偷食斷正，被傳媒追訪時更惱羞成怒爆粗狂鬧記者，事件發酵至今，Candy亦不斷被起底，有指她本身已有「小男友」Terry ，日前更有多張Candy和Terry的甜蜜照流出，前年他為Candy慶祝生日留言：「差不多由冇用兒童身份證開始，我們就在對方身邊。」現爆出四角混戰，感情七國咁亂。對於有傳未婚生仔，《蘋果》致電Candy求證，但沒獲回覆。
-----------------------------
【武漢肺炎】專頁
全民自救 抗疫資訊盡在《蘋果》
來源 source: http://hk.entertainment.appledaily.com
|
鍾意就快D Share啦！
|
|
|
