2020年4月7日星期二

唐詩詠貼中三舊照　王浩信回應引網民催拍《不懂撒嬌》續集 #唐詩詠 #王浩信

唐詩詠貼中三舊照　王浩信回應引網民催拍《不懂撒嬌》續集

唐詩詠貼中三相後，王浩信好快就留言回應。

唐詩詠跟大隊近日宅在家冇乜嘢做，執居成為打發時間最佳方法。呢日她就翻出舊相，貼出中三時同朋友去沙灘玩留影，並留言：「翻開舊照片發現中三的我然後影咗15分鐘都係好朦最後發現原來張相用咗磨砂過膠究竟邊個發明磨砂過膠咁聰明佢就好比今日嘅美圖秀秀係咪因為咁個人立刻白雪雪咗呢」相中見到她着住牛仔衫褲加上一頭清爽短髮，雖然打扮相當男仔頭，但清純靚樣已經現雛形。網友亦大讚她：「由細靚到大！」不過最驚喜是好拍檔王浩信亦有留言：「Saving哥當年喺ICQ約咗佢但係最後冇出現嘅嗰個人……不懂撒嬌的女人之番外篇」之後唐詩詠再回應：「佢掛住上網打機，有出到去」即時搞到網友好興奮，紛紛叫他們快啲開拍續集，其實繼《不懂撒嬌的女人》後，兩人早前已再合作過《解決師》，一樣好受歡迎，相信再合作應該一樣有捧場客。