阿澤問細So有老婆仔女，為何要多事，細So直接答就是因為有老婆仔女所以驚，又說：「我唔知會冇咗份工架麻，大佬呀，我點知會冇咗份工，我為咗自己人身安全所以先提議。」他倒帶憶述，在疫情初期先提議過一次：「當香港政府部門話員工可以home office兩個禮拜，前公司好快有反應，話home office兩個禮拜。之後政府回復正常，我哋收到消息就正常返工喇，我心諗『正常？出面都未正常。』」
細So說在家中做得到錄音、直播等工作要求，亦曾在日本、斯德哥爾摩直播返香港：「而家有個網絡點會做唔到，網上電台都係直播。」細So又說：「而家都未正常，大家playback返個時，我係驚嘅。個時大家未知係咩事，有人驚有人唔驚，有人覺得信政府。我就先提出，公司會做啲咩嘢會確保安全，我問完，唔做一個淨係反對嘅人，我就建議，呈上去，希望大家可以跟。」此後，商台有操作人員身邊有人確診並有過接觸，細So說：「我當刻好驚，我第一時間諗，『我今晚返唔返屋企？』，我仲做緊嘢，我要中就中咗招。」
雖然公司有消毒，不過細So仍擔心：「我就快要入去直播室對住支咪。你噴一噴就話乾淨，仲有電腦、要推咪。」當刻細So即向最上層反映：「即時處理，當然唔係搵上司啦，我嗱嗱聲去到最高層，嗰時開始要爭拗，態度唔係好惡劣，我擔心就係安全。」
有指細So今次「禍從口出」而被炒，原來他最擔心的，就是令愛他的家人擔心自己，講到家人，細So忍不住哽咽着說：「當佢哋話擔心嘅時候呢，其實我係即刻……哎呀，我係咪行錯、講錯咗一啲嘢呢？令到佢哋咁擔心。」細So強調，自己並非要去「學是非」，只是想公義一點，講出事實，同時亦不想令家人和愛錫自己的朋友擔心，所以就算有很多傳媒要求訪問，他都覺得自己已經將能講和要講的講出來。
一向敢言的阿澤坦言，當日有在社交平台出post鬧疑似炒細So的人，但後來怕外界誤會是細So借阿澤之力去鬧人，最後決定刪post。細So表示，自己最擔心家人及愛錫自己的人擔心自己，所以首要的是安撫所有人，他亦慶幸自己雖然被炒，但很多人都認為他仍大有作為，細So亦慶幸自己在外界眼中，原來自己不單只是一個DJ，還是一個音樂策劃人，可以做幕後工作。
-----------------------------
App內1-Click訂閱《蘋果動新聞》
按此了解更多
來源 source: http://hk.entertainment.appledaily.com
|
鍾意就快D Share啦！
|
|
|
