無綫處境劇《愛．回家之開心速遞》演「細龍太」陳偉琪(Vicky)，去年10月25日在跑馬地成和道與毓秀街交界，撞到一輛的士，陳偉琪隨後接受酒精呼氣測試，結果高達56微克，體內酒精含量超過法定限度22微克，涉嫌酒後駕駛被捕，案件在今年年初於東區裁判法院提堂，原本安排在2月聆訊，但因武漢肺炎疫情關係，延至今日才繼續聆訊。
身穿黑色外套、白色恤衫的陳偉琪，今早在東區法院承認控罪，Vicky在庭上表示「認罪」、「同意案情」。代表Vicky的律師在庭上求情，指她在2019年曾參加「世界表演藝術錦標賽」並得到奬項，而且又參與慈善活動，更指她在網上出文，指知道自己不應該飲酒兼道歉，加上跟警方合作，她明白藝人是公眾人物，應該要做好榜樣。
最後裁判官表示考慮到第一次干犯酒後駕駛罪行，如果下次再犯醉駕行為就「唔會咁好彩」，最後判她罰款5千元，停牌1年，即時交出駕駛執照，而國際駕駛執照則需在14日內交出，同時須在停牌期最後3個月，自費形式參加駕駛改進課程。
步出法院門口，記者問她是否鬆一口氣，陳偉琪直言：「因為受疫情影響拖咗好耐，其實今日終於可以告一段落，我自己都好開心，我好緊張，企咗喺度等判決都緊張，坐喺度時都覺得不安，好擔心，咁我都尊重法庭決定，亦都知錯，反醒過，知錯永遠唔會再犯。」問到會否戒酒，陳偉琪續道：「總之揸車就唔會飲酒，會喝少啲，不過我覺得呢樣嘢唔係關飲酒事，最重要係飲咗酒唔好揸車。」
陳偉琪指上次被影到去酒吧都是坐的士離開，現時告一段落，心情平復後，專注工作，她又感謝3名律師幫忙：「我都交晒畀佢哋，自己都一頭霧水，唔知程序係點，因為剛過咗生日，我雖然過生日（21號），但一直諗住案件，對於我嚟講當係遲嚟嘅生日禮物，件事終於過咗，其實之前有慶祝，不過心情一直囉囉攣，亦多謝傳媒關心，仲有公司同事支持，仲有《愛‧回家》嘅同事，佢哋都好擔心，『我老公』細龍生當然唔使講喇，仲有丹爺、豹哥佢哋。」她又稱目前跟外籍男友感情穩定，現時要交出國際車牌，所以只可以靠朋友接載。
採訪：黃曉妍、攝影：葉君海
-----------------------------
App內1-Click訂閱《蘋果動新聞》
按此了解更多
來源 source: http://hk.appledaily.com
|
鍾意就快D Share啦！
|
|
|
