掃呢頁CODE去手機

2020年5月12日 星期二

【隔離日子】黃秋生刨文化史巨著 讚台灣防疫︰唔會鹹水草當高科技 #黃秋生

互聯網圖片黃秋生昨晚在FB自爆人在台灣,為了拍攝台灣劇集《四樓的天堂》。因應台灣防疫法例,他需要留在指定的防疫酒店隔離14日。他自言一早已為隔離做好準 ...




互聯網圖片


黃秋生昨晚在FB自爆人在台灣,為了拍攝台灣劇集《四樓的天堂》。因應台灣防疫法例,他需要留在指定的防疫酒店隔離14日。他自言一早已為隔離做好準備,打算靠書本同做瑜伽度日。又大讚台灣防疫工作認真,他說︰「唔會畀條鹹水草當高科技。」

秋生今日接受《蘋果》電話訪問時說︰「啱啱起身做下『拜日式』(瑜伽),做一輪都成粒鐘打發時間,帶一本枕頭咁厚嘅書《從黎明到衰頹》(From Dawn to Decadence: 500 years of Western Cult)嚟睇。呢本書睇咗好多次,都係睇咗3分1,啲人話好睇,內容係西方文化史,本書40日都夠睇。」秋生話同行還有助手,這段日子二人雖然同酒店,但不能見面,就酒店房門口都不可以出,他說︰「好嚴峻,room service咪各自搞囉,放喺門口好似餵狗咁。入境好多部門招呼,台灣防疫做得好嚴謹,追蹤呀、要有呢度嘅電話(號碼),一嚟到就有警署嘅人打電話畀你,好有禮貌同你講係負責『日日差不多時間打電話給你』,起碼跟得足。唔會畀條鹹水草同你話係高科技,靠嚇。」秋生話一落機已經有專人負責,就連送他們到隔離酒店的車,政府都可以追蹤到。

至於秋生形容為「枕頭咁厚嘅書」《從黎明到衰頹》,是法國西方文化史大師雅克巴爾贊(Jacques Barzun)的作品。是他對1500年以來,到打後500年,整個西方文化研究的集大成之作,評論家推崇此書為文化作品創作歷史上的一座里程碑。論述包括:政治制度、宗教、社會思潮、哲學、文學、音樂、美術、科技發明、民俗及社會生活等,包羅萬有,從文藝復興的根源到說唱音樂,大師都娓娓敍述,並將自己在漫長的一生中所作的思考融入其中,使書的內容豐厚並具獨特的魅力。結尾他指出這個時代的問題:除了科學與技術之外,文化發展似乎陷入停滯。大師反問:「文化進入衰退期了嗎?未來還可能復興嗎?」是現代人值得審視的議題。

-----------------------------

App內1-Click訂閱《蘋果動新聞》

按此了解更多


鍾意就快D Share啦!