39歲的袁偉豪與28歲的港姐女友張寶兒2017年在非洲拍攝《打工捱世界》撻着，拍拖後屢傳婚訊。昨日更被發現，兩人上月聯名以高達6,568.3萬港元，購入西貢傲瀧一個實用面積達2,205方呎、另加568方呎私人花園的豪宅築愛巢。
袁偉豪和張寶兒多次傳過好事近，但前年袁偉豪爸爸不幸因癌病過身，他決定要為爸爸守孝一年，加上及後連接無綫多套重頭劇如《鐵探》及《使徒行者2》等，工作忙碌，因此才把結婚計劃擱置。
不過《蘋果》收到消息指因今年農曆新年張寶兒經歷「飛來橫禍」險死，立即令兩人再燃起結婚念頭。事緣年初一凌晨時分，張寶兒駕駛爸爸名下的白色Range Rover四驅車，陪友人到紅磡觀音廟上頭炷香，當時她把四驅車泊在附近的差館里，由於張寶兒是基督徒，她原本一心只在車中等候，但最後卻忽然臨時決定跟友人同行。
當跟朋友上完頭炷香，張寶兒接獲爸爸來電，原來警方通知有人在差館里跳樓自殺，死者正正跌在她的四驅車擋風玻璃上，現場留下大灘血漬，狀甚恐怖。事件發生後張寶兒多日來驚魂未定，回想如果當時獨留車中等候便會目睹慘劇，自己更隨時有機受傷或喪命，此經歷更令張寶兒和袁偉豪感受到「人生無常 活在當下」的重要，加上張父及袁母等家人早已不時催婚，因此兩人立即再燃起結婚打算，更馬上着手籌備，希望可以在今年冬天成事。
至於理想婚禮，張寶兒早前就露過口風，她上月在《姊妹淘》中率先穿上婚紗預演，又講出夢中的婚禮：「我對跳脫嘅婚禮係有幻想，曾見外國有名人喺婚禮度，上身着婚紗但下身係着牛仔褲，呢種style好自由。」她又表示小時亦幻想結婚時在森林舉行婚禮，只有家人及好朋友出席，亦想過搞以40、50年代懷舊為主題的婚禮。
至於心儀的婚紗款式，張寶兒說：「我唔會揀啲好deep V；另外都唔會露膊，相對起嚟我比較鍾意自己條腰，因為有腰線，可以睇吓要『傘裙』定係好貼身，魚尾款都可以一試，背都可以露吓。或者復古款式都可以，有埋披肩可以遮手臂。」結果節目中張寶兒經專家指導下，揀了一條內是一條露肩連身短裙，外則是一整件透視及有長公主袖的婚紗，試穿後春風滿面，顯得份外明艷照人。
昨日兩人被發現聯名買樓後，張寶兒回覆傳媒時未有否認，只說：「呢個有消息再同大家講啦，未有咩update住。」
-----------------------------
App內1-Click訂閱《蘋果動新聞》
按此了解更多
來源 source: http://hk.appledaily.com
|
鍾意就快D Share啦！
|
|
|
